Rettleiar i Nav Nordfjord

Vil du vere med og gjere ein forskjell? Er du god til å sjå ressursane i folk og hjelpe dei vidare i livet? Då kan du vere den vi ser etter!

Nav Nordfjord søkjer ein engasjert rettleiar til avdelinga arbeid og helse.

Hos oss får du ein variert og meiningsfull arbeidskvardag, der du møter nye utfordringar med eit positivt og løysingsorientert team rundt deg. Du blir ein viktig del av eit fagmiljø som jobbar for å skape moglegheiter for menneske – kvar einaste dag.

80 % fast stilling. Oppstart snarast mogleg. Oppmøtestad Stryn. 

Arbeidsoppgåver

• Følgje opp brukarar som er sjukmelde eller får arbeidsavklaringspengar
• Rettleie og motivere brukarar på vegen tilbake til arbeid
• Kartlegge arbeidsevne, ressursar og moglegheiter
• Samarbeide tett med arbeidsgjevarar, fastlegar og andre samarbeidspartar for å finne gode løysingar

Kvalifikasjonar

• Utdanning på bachelornivå frå høgskule eller universitet. Relevant erfaring kan kompensere for manglande utdanning.
• Gode evner til å kommunisere både munnleg og skriftleg
• Trygg på digitale verktøy og nysgjerrig på ny teknologi

Det er ein fordel om du har:
• Erfaring med å rettleie menneske i krevjande livssituasjonar
• Kjennskap til Nav sitt samfunnsoppdrag
• Kjennskap til arbeidsmarknaden og næringslivet i regionen

Personlege eigenskapar

• Du trur på at alle kan få og behalde ein ordinær jobb, uansett helseutfordringar
• Du møter folk i sårbare situasjonar med respekt, empati og profesjonalitet
• Du jobbar målretta og strukturert, og har god arbeidskapasitet
• Du motiverer andre og bygger tillit hos innbyggjarar, kollegaer og samarbeidspartnarar
• Du ser moglegheiter og finn gode løysingar
• Du tek ansvar, samarbeider godt og bidreg positivt til arbeidsmiljøet

Vi tilbyr

• Ein meiningsfull jobb i eit godt og støttande arbeidsmiljø
• Gode moglegheiter for fagleg utvikling
• Fleksibel arbeidstid med moglegheit for heimekontor 
• Løn etter gjeldande tariff

Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast. 

Kontaktinformasjon

Kari Tonning, Avdelingsleiar Nav Nordfjord, 45233070, Kari.Tonning@nav.no

Monica Osvold, Regionleiar Nav Nordfjord, 90095171, monica.osvold@nav.no

Arbeidsstad

Tonningsgata 4

6783 Stryn

Nøkkelinformasjon:

Arbeidsgivar: Stad kommune


Referansenr.: 5112473484

Stillingsprosent: 80%

Fast

Søknadsfrist: 26.04.2026