Firda Billag AS søkjer ein forretningsorientert og tydeleg leiar

Administrerande direktør

Vi søkjer ein forretningsorientert og tydeleg leiar som kan ta Firda Billag vidare gjennom effektiv drift, strategisk utvikling og lønnsam vekst.

Som administrerande direktør har du det overordna ansvaret for konsernet, med særleg fokus på effektivisering, digitalisering, forretningsutvikling, berekraft og verdiskaping. Du skal sikre robuste strukturar, gode resultat og vidareutvikle Firda Billag som ein attraktiv aktør for kundar, tilsette og eigarar.

Personlege eigenskapar

Vi ser etter ein strukturert, handlekraftig og kommersiell leiar som set retning, tek ansvar og inspirerer andre til å vere med på reisa.

Du er:

• trygg og tydeleg i dialog med styre, eigarar og medarbeidarar
• robust og beslutningsdyktig i ein kompleks kvardag
• god med folk og evnar å utvikle både medarbeidarar og leiarar
• kommersielt orientert, med evne til å kombinere strategi og lønsemd
• initiativrik og sterk på gjennomføring

Kvalifikasjonar:

• relevant høgare utdanning
• leiarerfaring
• erfaring med strategi- og forretningsutvikling
• god forståing for økonomi og verdiskaping
• kjennskap til transportbransjen er ein fordel

Vi tilbyr:

• ei sentral toppleiarrolle med stort strategisk og operativt handlingsrom
• ansvar for vidare utvikling, vekst og verdiskaping i eit solid og ambisiøst konsern
• tett samspel med styre og eigarar, og reell påverknad på selskapet si retning
• konkurransedyktige vilkår
• moglegheit til å vidareutvikle ein sterk organisasjon og setje tydeleg preg på framtida til Firda Billag
• ein arbeidsplass med høgt tempo, korte beslutningslinjer og stor tillit

Firda Billag AS er eit konsern eigd av 10 kommunar i Vestland fylke. Konsernet har 355 tilsette og ein årleg omsetnad på om lag 650 millionar kroner (2024). Hovudkontoret ligg i Førde.

Firda Billag-konsernet driv verksemd innan kollektiv- og godstransport på veg, bilutleige, verkstaddrift for tunge køyretøy og eigedomsforvaltning. Morselskapet leverer i tillegg fellesfunksjonar innan økonomi, løn, IT og HR til heile konsernet. Alle selskapa i konsernet er tilknytt AFP-ordninga.

Firda Billag AS eig Transferd AS og Fjordane Bilutleige AS, og er deleigar i Firda Billag Buss AS, Trucknor Firda AS og fleire eigedomsselskap.