Sals- og kundekonsulent 100 %

Vil du vera med og ta vare på det viktigaste me har?

Me i Voss Fiber er stolte av å levera lynraskt internett og gode TV-løysingar til bygda vår. No ser me etter deg som er framoverlent, serviceinnstilt og teknisk nysgjerrig og som vil vera med å vidareføra mantraet vårt om verdas beste kundeservice.

Hjå oss handlar jobben om meir enn å svara på telefonar. Det handlar om å skapa tryggleik, byggje relasjonar og finna gode løysingar som gjer at kundane våre vel å bli hjå oss, år etter år.

Om rolla

Som kundekonsulent får du ei sentral rolle i arbeidet med kundebehandling, sal og kundebevaring. Du er eit viktig kontaktpunkt for kundane våre og jobbar aktivt for å sikre gode opplevingar i alle ledd av kundereisa.

Du handterer både daglege henvendingar og meir komplekse saker, vurderer behov og finne gode løysingar basert på kunden sitt behov.

Dine arbeidsoppgåver

• Besvare henvendingar frå kundar på telefon og e-post i vårt kundesystem

• Hjelpe kundar med spørsmål om internett- og TV-abonnement

• Saksbehandle og følgje opp kundesaker i våre system

• Arbeide aktivt med sal og oppgraderingar der det gjev verdi for kunden

• Jobbe målretta med kundebevaring, identifisere behov, førebyggje oppseiingar og styrkje lojalitet

• Skapa sterke, lokale kundeopplevingar som byggjer tillit og lojalitet

• Ved behov reise ut til kundar for å hjelpa med enkle tekniske utfordringar rundt utstyr eller rettleiing.

• Stillinga inneber noko kundekontakt ute i felt, og krev difor førarkort klasse B.

Kven er du?

Du er utprega serviceinnstilt og trivst med telefon og digitale verktøy som arbeidsreiskap. Du lyttar, set deg raskt inn i kunden si situasjon og viser forståing, også når kunden står i ein stressande situasjon.

Du tek ansvar, jobbar strukturert og finn løysingar effektivt. Samstundes er du komfortabel med å kombinere god kundeservice med sal og rådgjeving.

Me trur du kjenner deg igjen i dette:

• Du kommuniserer klart og tydeleg – både munnleg og skriftleg

• Du handterer norsk flytande, og gjerne engelsk godt

• Du arbeider sjølvstendig, men trivst i eit sosialt og samarbeidande miljø

• Du ser moglegheiter der andre ser utfordringar

• Du likar ein variert arbeidskvardag med høg grad av kundekontakt

• Teknisk forståing er ein fordel, men du treng ikkje vera IT-ingeniør.

• Du har gjerne erfaring frå kundeservice, sal eller liknande arbeid.

  Relevant utdanning er ein fordel, men rett haldning, læringsvilje og engasjement veg tungt hjå oss.

Me tilbyr

• Ei spennande stilling i eit solid og lokalt selskap i vekst

• Eit inkluderande og sosialt arbeidsmiljø med høg trivsel!

• Grundig opplæring og gode utviklingsmoglegheiter

• Konkurransedyktig løn, gode pensjons- og forsikringsordningar

• Moderne og trivelege lokale sentralt på Tvildemoen

• Ein kvardag der du faktisk ser effekten av jobben du gjer

Høyrest dette ut som noko for deg?
Send oss ein søknad og fortel litt om kven du er og kvifor du har lyst til å bli med på laget vårt.

Søknadsfrist: 06. April. 2026

Me gler oss til å høyra frå deg!

Voss Fiber er Voss sin største leverandør av fiber. Me byggjer og driftar eit moderne fibernett i Voss herad, er internettleverandør og Telia-partner på TV. Selskapet er eit dotterselskap av konsernet Voss Energi AS, og har 17 tilsette som bidreg til eit positivt, aktivt og engasjerande arbeidsmiljø. Me held til i moderne lokale sentralt på Voss