Pleieassistent sommar

Voss sjukehus har ledige 100% vikariat (eller stillingsstorleik etter avtale) som pleieassistent frå og med veke 25 til og med veke 33.

Ynskjer du ein jobb der du jobbar tett på pasientar, vert del av eit solid fagmiljø og får ei rolle kvar du verkeleg gjer ein forskjell? Som pleieassistent hjå oss får du opparbeide deg verdifull erfaring og kompetanse, med ein arbeidsdag som er variert og meiningsfull. Du vert del av eit team kvar alle er like viktige.

Me søkjer pleieassistentar til:

• Kirurgisk / ortopedisk sengepost
• Medisinsk sengepost

👉 Oppgje i søknaden kva seksjon du søkjer, i prioritert rekkefølgje.

Vert med på laget vårt - me ser fram til å høyre frå deg!

Arbeidsoppgåver

• Grunnleggande pleie og omsorg
• Praktisk bistand og tilrettelegging for pasientar
• Førefallande arbeid

Kvalifikasjonar

• Erfaring frå stell, pleie og observasjonar av pasientar
• Meistrar norsk skriftleg og munnleg
• Ynskjeleg med relevant utdanning frå vidaregåande skule eller høgskule
• Kjennskap til bruk av IKT-verktøy

Personlege eigenskapar

Du

• er strukturert og tek ansvar
• trivst med teamarbeid, men er også sjølvstendig
• er trygg, omsorgsfull og serviceorientert
• har gode kommunikasjonsevner
• er tilpasningsdyktig og fleksibel

Me tilbyr

• Løn i samsvar med gjeldande overeinskomst
• Gode pensjons -og forsikringsordningar
• Ein arbeidsplass med høg fagleg standard
• Eit trygt og godt arbeidsmiljø
• Todelt turnus inkl helgearbeid

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.