Rådgjevar / konsulent dokumentforvaltning

Rådgjevar/konsulent dokumentforvaltning – Time kommune

Vil du vera med og sikra god informassjonsforvaltning i ein kommune i utvikling? Har du god systemforståing og evne til å formidla kunnskap på ein pedagogisk måte? Då kan du vera den me ser etter!

Time kommune søkjer ein fagleg engasjert og strukturert rådgjevar/konsulent dokumentforvaltning som vil vera med og vidareutvikla kommunens arbeid med dokumentasjon og arkiv. Du vil få ei sentral rolle i å sikra at kommunen følgjer gjeldande lover og forskrifter, og bidra til opplæring og rettleiing av tilsette i god dokumentforvaltning.

Arbeidsoppgåver

• Dagleg drift og vedlikehald av kommunens sak- og arkivsystem Acos websak
• Rettleiing og opplæring av tilsette i dokumentasjonsforvaltning og arkivrutinar
• Bidra til utvikling og implementering av gode rutinar for elektronisk arkiv
• Kvalitetssikring og journalføring av dokument
• Avlevering og langtidsbevaring i tråd med arkivlova
• Delta i prosjekt knytt til digitalisering og informasjonsforvaltning
• Bidra i anskaffelsesprosessar innan digitale løysningar

Kvalifikasjonar

Relevant utdanning innan arkivfag, dokumentasjonsforvaltning eller tilsvarande (minimum bachelornivå) - relevant erfaring kan kompensera for manglande utdanning.

Det er ynskjeleg at søkjaren har:

• Erfaring frå offentleg forvaltning og kjennskap til arkivlova og offentleglova
  
• God systemforståing og erfaring med elektroniske sak- og arkivsystem (t.d. Public 360, Elements, ePhorte, ACOS)
  
• Gode digitale ferdigheiter og interesse for teknologisk utvikling
  
• Gode norskkunnskapar, både munnleg og skriftleg
  

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

• Gode samarbeidsevner, både internt og eksternt
  
• Evne til å kunne arbeide sjølvstendig og ta initiativ til oppgåver som må gjennomførast
  
• Villig til å ta fatt på nye arbeidsoppgåver etter kvart som organisasjonen endrar seg
  
• Du må lika utfordringar, vera engasjert, løysingsorientert og kunna trekka slutningar
  
• Evne til å ta ansvar for eigen utvikling og ta til deg ny kunnskap
  
• Du må ha gode kommunikasjonsevner og framstå klar og tydeleg
  
• Strukturert og nøyaktig
• Gode pedagogiske evner – du trivst med å lære bort og formidle fag
• Positiv haldning

Vi tilbyr

• Løn etter tariff eller avtale, avheng av stillingstype (konsulent eller rådgjevar)
• Ein spennande, variert og fagleg utfordrande arbeidsplass i eit godt og inkluderande arbeidsmiljø
  
• Nært samarbeid med eit breitt fagmiljø i ein organisasjon i utvikling
  
• Ei meiningsfull stilling i ein kommune med høge ambisjonar for digital utvikling
  
• Gode moglegheiter for fagleg utvikling
• Fleksibel arbeidstid og gode pensjons- og forsikringsordningar
• Der det er lovkrav om det, må politiattest registrerast før første arbeidsdag tar til

"Me skal gjera kvarandre gode" er leveregelen for oss som jobbar i Time kommune. Me er opptatt av å utvikla og forbetra tenestene i lag med innbyggarane, besøkande og næringslivet slik at Time skal vera ein trygg og framtidsretta kommune. Kommunen har ca. 20 000 innbyggarar og ligg midt på Jæren, med Bryne som regionssenter og kollektivknutepunkt for buss og jernbane. Time er ein stor jordbrukskommune og har i tillegg eit variert næringsliv, med flest sysselsette innan industri, varehandel, hotell og restaurant. Det er 1340 årsverk i Time kommune, fordelt på om lag 1800 personar.

Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.