Konsulent/Førstekonsulent

Vil du ha ei nøkkelrolle der du er med og sikrar god bemanning og effektive prosessar i ein samfunnsviktig etat, kan dette vere stillinga for deg.

Bufetat søkjer ein engasjert og handlekraftig kollega til 100 % fast stilling som konsulent/førstekonsulent, med snarleg oppstart.
Stillinga høyrer til vår kontorfaglege eining, og du vil få ei viktig rolle som fagressurs innan bemanningsplanlegging og turnusarbeid. Du vil gi rettleiing i regelverk, godtgjering og praksis, og i tillegg arbeide med andre administrative og faglege oppgåver som bidreg til heilskapleg drift, gode prosessar og god samhandling i etaten.

Vi ser etter ein kollega som er systematisk, løysingsorientert og trygg i rolla si – ein som tek eigarskap, deler kompetanse og ønskjer å bidra til at Bufetat framstår som ei profesjonell, kunnskapsbasert og føreseieleg etat.

Stillinga har arbeidsstad i Stavanger. For søkjare som ønskjer å ha arbeidsstad i Haugesund, kan dette vurderast.

Om stillinga

I denne stillinga får du ein variert og meiningsfull arbeidskvardag, der du jobbar tett på både fag, drift og menneske. Du vil vere ein viktig støttespelar for einingane i regionen og bidra til gode løysingar i kvardagen. For tida vil hovudoppgåvene dine vere innan desse områda:

• Bemanningsplanlegging og turnus (regionalt ansvar)
  Støtte institusjonane i bemanningsplanlegging og turnusarbeid, vere fagressurs på GAT – bemanningsplanleggingsverktøyet som blir brukt i Bufetat – og gi opplæring og rettleiing. Du hjelper einingane med spørsmål om regelverk, godtgjering, registrering av vakter, innleige og fråvær, og bidreg til gode og føreseielege rutinar og prosessar.
• Administrative oppgåver innan kvalitetssikring, kontroll og oppfølging på tvers av tenestene våre.
• Leiarstøtte

Arbeidsoppgåvene kan bli endra over tid i tråd med behova i regionen.

Kvalifikasjoner (overskrift)

Kva kvalifikasjonar søkes?

For tilsetjing krev vi at du har:

• Fullført minimum toårig utdanning frå høgskule/universitet innan relevante fagområde. For kandidatar med omfattande relevant erfaring kan delar av utdanningskravet fråvikast.
• Erfaring med arbeidsplanlegging og turnusarbeid, samt god kjennskap til regelverk for arbeidstid og godtgjering.
  
• Særs god systemforståing og erfaring med digitale arbeidsverktøy.
  
• Særs god munnleg og skriftleg framstillingsevne på norsk.
• Relevant yrkeserfaring frå tilsvarande arbeidsoppgåver og tenesteområde.

Det er også ønskjeleg og ein fordel at du har:

• Erfaring med GAT eller anna arbeidstidsplanleggingsverktøy.
  
• Erfaring frå lønnsarbeid eller kontroll og oppfølging av lønn.
  
• Kjennskap til BiRK.
• Erfaring frå liknande stilling i offentleg sektor.
• Relevant utdanning på bachelornivå

Er dette deg?

• Du jobbar strukturert, har god oversikt og forstår verdien av korrekte registreringar og føreseielege prosessar.
• Du set deg raskt inn i digitale verktøy og regelverk, og evnar å bruke system som støtte for god drift.
• Du trivst i ei støtterolle og møter førespurnader med ei positiv haldning.
• Du formidlar faglege vurderingar på ein tydeleg og forståeleg måte som skaper tryggleik og gode løysingar saman med andre.Du følgjer oppgåver heilt i mål og bidreg aktivt til kvalitet og kontinuitet.

Og kanskje det viktigaste;
du er ein som deler kunnskap, samarbeidar godt og bidreg til eit positivt arbeidsmiljø.

Vi tilbyr

• Konsulent: Stillinga blir løna etter statleg lønnsregulativ i stillingskode 1065 konsulent, p.t. kr 540 000- 600 000.
  
• Førstekonsulent: Stillinga blir løna etter statleg lønnsregulativ i stillingskode 1408 førstekonsulent, p.t. kr 560 000 - 640 000 pr. år.
  • For tilsetjing i stillingskode 1408 førstekonsulent blir det krevd fullført utdanning frå høgskule/universitet innan relevante fagområde, minimum bachelorgrad eller utdanning på tilsvarande nivå. Toårig høgskulekandidatutdanning kan også vurderast.
• Løn og stillingskode vurderast etter utdanning og erfaring.
• Medlemskap i Statens pensjonskasse jf. Lov om Statens pensjonskasse, som inneber ein god tenestepensjonsordning, moglegheit for tilbod om boliglån til konkurransedyktige vilkår, samt yrkesskade- og gruppelivsforsikring.

I tillegg kan vi tilby:

• Moglegheit til å trene inntil ein time i veka, i arbeidstida.
• Fleksibel arbeidstid (kjernetid kl 09.00-14.30).

Du får vere med på å løfte oss slik at vi kan gi barn, unge og familiar eit enda bedre tilbod, og det meiner vi har ein stor verdi i seg sjøl.

Opplysningar til deg som søker:

• Inkludering og mangfald er ei styrke og gjer at vi kan løyse oppgåvene våre endå betre. Difor ynskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppfordrar vi deg som søker til å krysse av i jobbsøkjarportalen. Er det kvalifiserte søkarar, kallar vi inn minst ein i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar brukar vi ikkje avkryssingane til noko anna enn anonymisert statistikk.
• Stillinga er for tida lagt til Regionkontoret, Kontorfaglig eining.
• Du kan be om å ikkje bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.
  

Søknad med CV skal sendast elektronisk via link på denne sida.

For å bli vurdert som søkjar, må du legga ved relevante vitnemål og attestar med stadfesta stillingsstorleik. Vitnemål for utdanning teke i Noreg skal lastast opp frå Vitnemålsportalen. Har du utdanning frå utlandet må du legga ved godkjenning frå Direktoratet for høgare utdanning og kompetanse/NOKUT.

Barne-, ungdoms- og familieetaten sine fem regionar har som hovudoppgåve å drifte og drive etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar rapporterer til Barne-, ungdoms- og familiedirektoratet som er underlagd Barne- og familiedepartementet.

Bufetat region vest femner om fylka Vestland og Rogaland. Regionkontoret ligg i Bergen