Teamleiar

To faste 100 % stillingar – Team MUO og Team Omsorg

Time barnevernteneste søkjer to teamleiarar som vil vere med å utvikle ei teneste med visjonen om at: «Alle barn og unge har lyst på livet og evne til å meistre det» – og praktiserer dette gjennom leveregelen vår «Me gjer kvarandre gode, og me gjer det i lag».

Barneverntenesta har 25 tilsette og er organisert i Team MUO (mottak, undersøking og oppfølging), Team Omsorg og ei felles tiltaksavdeling. Arbeidsstad: Time rådhus.

Som teamleiar får du delegert personalansvar og ei sentral rolle i leiinga av barneverntenesta. Du leiar teamet i det daglege, sikrar fagleg kvalitet og støttar tilsette i komplekse saker. Noko arbeid ettermiddag/kveld må påreknast.

Arbeidsoppgåver

Leiing, utvikling og forbetring

• Dagleg leiing av teamet
• Delegert personalansvar, medarbeidarsamtalar og oppfølging av arbeidsmiljø
• Fagleg rettleiing og kvalitetssikring av vurderingar, vedtak og dokumentasjon
• Sikra forsvarleg saksbehandling og god framdrift
• Fordeling av saker og prioriteringar i teamet
• Leia handtering av akutte situasjonar
• Samarbeid med interne og eksterne partnarar
• Bidra aktivt i utviklings-, endrings- og implementeringsarbeid i tenesta
• Fremja gode arbeidsprosessar og kultur i tråd med kommunen sine verdiar

Kvalifikasjonar

• Bachelor i barnevern eller sosialt arbeid
• Minst fire års erfaring frå barnevernet
• Kompetanse i saksbehandling i tråd med barnevernslova og forvaltningslova
• God skriftleg og munnleg framstillingsevne
• Førarkort klasse B
• Det er ønskeleg med relevant vidareutdanning og leiarerfaring

Du må lasta opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

Me søkjer deg som har gode samarbeidsevner og som aktivt bidreg til eit positivt og støttande arbeidsmiljø. Du arbeider strukturert, sjølvstendig og målretta, og du er trygg både i relasjonsarbeidet og i dei faglege vurderingane du gjer. Du er fleksibel, handterer endringar godt og har evne til å jobba på tvers av tenesta når det trengst. Ein hektisk og omskifteleg arbeidskvardag møter du med ro, oversikt og profesjonell tilnærming. I tillegg tek du ansvar for eiga faglege utvikling og held deg oppdatert i faget.

Personlege eigenskapar vil bli tillagt stor vekt.

Vi tilbyr

• Spennande leiarstilling med fag- og personalansvar
• Moglegheit til å påverka utviklinga av barneverntenesta
• Kompetent og engasjert fagmiljø
• Fleksibel arbeidstid
• Gode pensjonsordningar
• Løn etter tariff/avtale

Politiattest registreres før første arbeidsdag tar til.

"Me skal gjera kvarandre gode" er leveregelen for oss som jobbar i Time kommune. Me er opptatt av å utvikla og forbetra tenestene i lag med innbyggarane, besøkande og næringslivet slik at Time skal vera ein trygg og framtidsretta kommune. Kommunen har ca. 20 000 innbyggarar og ligg midt på Jæren, med Bryne som regionssenter og kollektivknutepunkt for buss og jernbane. Time er ein stor jordbrukskommune og har i tillegg eit variert næringsliv, med flest sysselsette innan industri, varehandel, hotell og restaurant. Det er 1340 årsverk i Time kommune, fordelt på om lag 1800 personar.

Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.