Rus koordinator

Bjørgvin distriktpsykiatriske senter (DPS) er ein del av Divisjon psykisk helsevern i Helse Bergen. Bjørgvin DPS er ein moderne og veldreven klinikk som gir psykiatriske spesialisthelsetenester til innbyggjarane i kommunane Alver, Austrheim, Fedje, Gulen, Masfjorden, Modalen og Osterøy, samt bydelane Arna og Åsane i Bergen kommune. Samla har klinikken eit opptaksområde med omtrent 80 000 innbyggjarar over 18 år. Bjørgvin DPS har i 2025 eit budsjett på 166 millionar kroner, og har ca 220 tilsette fordelt på vel 150 årsverk. Klinikken er lokalisert på Tertnes i Åsane og Knarvik i Alver kommune. Døgntilbodet er lokalisert på Tertnes, medan det polikliniske tilbodet går føre seg både i Knarvik og på Tertnes. Klinikken er delt i to fagområde psykose og allmennpsykiatri.

Ved vår allmennpsykiatriske poliklinikk på Tertnes i Åsane har vi ledig stilling som Rus koordinator. Ein av våre erfarne kollegaer går av med pensjon, og vi søker deg som vil vere med å vidareføre og utvikle det gode behandlingstilbodet vårt.

Om poliklinikken
Poliklinikken ligg sentralt i Åsane, med kort veg til Bergen sentrum. Vi er ein stor og velfungerande eining med eit mangfaldig og spesialisert tilbod.
Hos oss finn du:

• To allmennteam
• DBT-team (eit av dei lengstlevande i Noreg)
• MBT-team
• Angst- og depresjonsteam
• Team for spiseforstyrringar
• ROP-team
• Familieteam
• Nevroteam
• Søvnteam
• Traumeteam
• Akutt ambulant team

I tillegg har vi ei spennande gruppeavdeling med samtalegrupper, uttrykksterapi, psykomotorisk fysioterapi, ernæringskonsulent og musikkterapi. Vi samarbeider tett med Knarvik om fleire av dei spissa tilboda.

Arbeidsoppgåver

• Ha det overordna ansvaret for det faglege og organisatoriske arbeidet knytt til ROP‑pasientar
• Samordne og vidareføre eit etablert og velfungerande rusfagleg tilbod, inkludert veiledning til andre ved behov
• Leggje til rette for godt og strukturert samarbeid mellom ulike instansar og tenestenivå, både internt og eksternt
• Fremje og bidra aktivt til tverrfagleg samarbeid mellom behandlarar, einingar og samarbeidspartnarar
• Sikre god kommunikasjon og heilskaplege pasientforløp
• Bidra til fagutvikling og kompetanseheving innan rus og psykisk helse.

Kvalifikasjonar

• Relevant høgare utdanning (t.d. sjukepleiar, sosionom, vernepleiar, eller anna helse-/sosialfagleg bakgrunn)
• Vidareutdanning, samt erfaring frå rus- og psykisk helsefeltet er eit krav
• God forståing for samhandling mellom ulike tenestenivå, ønskjeleg med yrkeserfaring fra både 1.og 2. linje tjenester
• Erfaring med koordinering og fagutvikling
• Gode samarbeidsevner, strukturert arbeidsstil og evne til å sjå heilskaplege løysingar.
• Veiledningskompetanse

Personlege eigenskapar

• Du er trygg, fagleg solid og opptatt av kvalitet
• Du trivst med å jobbe tverrfagleg og tek initiativ til samarbeid
• Du har gode kommunikasjonsevner og evne til å byggje gode relasjonar
• Du er sjølvstendig, ansvarleg og løysingsorientert
• Du ønskjer å bidra til eit godt arbeidsmiljø

Vi tilbyr

• Ei meiningsfull stilling med stor påverknadsmoglegheit
• Tverrfagleg og kompetent arbeidsmiljø.Gode utviklingsmoglegheiter i ei stilling med brei kontaktflate
• Eit fagfelt i kontinuerleg utvikling – der du får bidra

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.