Project Manager

Vil du bli ein del av eit engasjert og kompetent team?

Ulstein er kjend for innovasjon, pålitelegheit og sterke relasjonar til kundane våre. Ulstein Power & Control leverer integrerte løysingar som bidreg til at skipseigarar oppnår høgare effektivitet, reduserte kostnadar og kan ta viktige steg mot ei meir berekraftig framtid.
Ulstein Power & Control er Ulstein Group sitt systemintegrasjons- og serviceselskap. Vi leverer avanserte og optimaliserte kraft- og automasjonssystem til kundar i både inn- og utland.

Ulstein Power & Control AS er i utvikling og vekst og søkjer fleire nye medarbeidarar.

I stilling som Project Manager ser vi etter deg som ynskjer å påverke, skape resultat og vere ein aktiv bidragsytar i utviklinga av prosjektavdelinga vår. Du vil koordinere eit solid og erfarent fagteam, og ha ansvar for å sikre gode leveransar til kundar i Noreg og internasjonalt. Vi søkjer difor ein relasjonsbyggande og løysingsorientert person som trivst med ansvar og samarbeid, og som ønskjer å vere med på å vidareutvikle eit framtidsretta selskap i vekst.

Ulstein Power & Control har hovudkontor i Ulsteinvik og kontor på Moa i Ålesund.

Kvifor velje Ulstein Power & Control?

• Eit framtidsretta og kompetent miljø
  Du blir del av eit sterkt fagmiljø som jobbar med leiande maritime teknologiløysingar og har eit tydeleg fokus på innovasjon og berekraft.
  
• Gode utviklingsmoglegheiter
  Hos oss får du fagleg påfyll, ansvar og høve til å påverke retninga på både prosjekt og teknologiutvikling.
  
• Fleksibilitet og konkurransedyktige vilkår
  Vi tilbyr løysingar som gjer det lettare å kombinere jobb og kvardag, i tillegg til gode og marknadstilpassa betingingar
  
• Samarbeid med bransjens beste
  Du jobbar tett med engasjerte, dyktige kollegaer og bidreg til å forme morgondagens maritime system og løysingar.
  

Arbeidsoppgåver

• Prosjektleiing
• Ansvar for levering av systemleveransar i hht. kontrakt - til avtalt tid, kost og kvalitet
• Oppfølging av budsjett og kontraktar
• Koordinere og styre interne delprosessar frå kontrakt fram til overlevering
• Bidra i arbeid inn mot sal, service og ettermarked
• Noko reiseverksemd må påreknast

Kvalifikasjonar

• Relevant teknisk bakgrunn og innsikt i skipsbygging
• God kontraktsforståing
• Erfaring frå maritim bransje
• Kompetanse innan prosjektleiing
• Teknisk utdanning (MSc / BSc / Teknisk Fagskule)
• Gode språkkunnskapar i norsk og engelsk

Personlege eigenskapar

• Gode leiareigenskapar
• Service- og kundeorientert
• Utprega lagspelar med god integritet, kommunikasjons- og samarbeidsevne
• Initiativrik, strukturert og løysingsorientert

Vi tilbyr

• Interessante, utfordrande og utviklande oppgåver i eit internasjonalt konsern.
• Eit tverrfagleg fagmiljø som vektlegg personleg og fagleg utvikling, sjølvstende og trivsel.
• Konkurransedyktige lønnsvilkår, ordna arbeidsforhold, god pensjons- og gode forsikringsordningar.

ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen. 

Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.

Ulstein Power & Control AS tilbyr service og ombygging av kraftpakkar og marine automasjonssystem. Selskapet er ein del av forretningsområdet Design & Solutions, som tilbyr design og løysingar for offshoreenergimarknaden (vind, olje og gass), ekspedisjonscruise og fiskeri.