Psykiatrisk akuttmottak søker Spesialsjukepleiar til 80-100% fast stilling på natt

Psykiatrisk klinikk, Psykiatrisk akuttmottak, seksjon PAM1 har ledig fast stilling i 80-100% som Spesialsjukepleiar psykiatri og rus på natt.

Psykiatrisk klinikk består av fire avdelingar: psykiatrisk akuttmottak (PAM), avdeling for psykose, avdeling for tidleg psykose (ATP) og avdeling for stemningslidingar. Psykiatrisk akuttmottak består av ei mottakseining og 2 sengepostar, og er lokalisert ved Sandviken sjukehus. Psykiatrisk akuttmottak (PAM) gjev akutt psykiatrisk hjelp til personar over 18 år. Tilbodet i PAM består av akutt allmennpsykiatrisk vurdering, diagnostisering, behandling og pleie.

Opphaldet i PAM er av kort varigheit (1 til 5 dagar). Etter eit opphald i PAM blir pasienten overført til andre sjukehusavdelingar eller utskriven med oppfølging frå eit distriktspsykiatrisk senter eller frå kommunehelsetenesta. PAM tar imot både pasientar som frivillig ønsker behandling og pasientar som er underlagd tvungen psykisk helsevern.

På sengepostane (PAM 1/PAM 2) har vi som oppgåve å ta imot, ta vare på og behandle menneske i den akutte fasen av ein psykisk liding. Målsettinga er å gje raske og fagleg kompetente vurderingar som kan danne grunnlag for vidare diagnostikk og behandling. PAM 1 er ei lukka post med 9 sengeplassar. Tverrfagleg team består av spesialsjukepleiarar, sjukepleiarar, spesialvernepleiarar, vernepleiarar, hjelpepleiarar, sosionom, lege, psykiater og psykologspesialist.

For å oppretthalde samansettinga i personalgruppa oppfordrast menn til å søke.

Arbeidsoppgåver

• Mottak av nye pasientar som blir lagd inn i psykiatrisk akuttmottak
• Observere, kartlegge og dokumentere pasientane sine behov samt sette i verk sjukepleietiltak
• Tverrfagleg teamarbeid
• Samarbeid med andre avdelingar om vidare behandling i sjukehuset, samt DPS og kommune ved utskriving
• Pårørandearbeid
• Fagutvikling

Kvalifikasjonar

• Norsk autorisasjon som sjukepleiar med vidareutdanning innan psykiatri og /eller rus
• Erfaring frå akuttpsykiatri er ønskeleg
• Må meistre norsk, både munnleg og skriftleg

Personlege eigenskapar

• Pasientorientert
• Ansvarsbevisst
• Fleksibel
• God på kommunikasjon
• Ein god teamarbeidar
• Bidra til eit godt arbeidsmiljø
• Trivast i eit aktivt og travelt miljø
• Samarbeidsvillig

Vi tilbyr

• Lønn i samsvar med gjeldande overeinskomst
• Triveleg arbeidsmiljø og kompetente medarbeidarar
• Høgt fagleg nivå
• Fagleg og personleg utvikling
• Interne fagdagar
• Opplæring og kurs i MAP
• Ein arbeidsplass som er ei inkluderande arbeidsliv-bedrift (IA-bedrift)
• Gode pensjons- og forsikringsordningar
• Helse Bergen har barnehage lokalisert ved sida av Sandviken sjukehus der tilsette i Helse Bergen kan søke om plass
• Psykiatrisk Klinikk er lokalisert i naturskjønne omgivnader med gode turmuligheiter, det er også treningsrom tilgjengeleg
  

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.