Vil du jobbe i ein etat med eit viktig samfunnsoppdrag?

Om stillinga

Ledig 100% fast stilling, dagtid, som rådgiver knytt til hurtigspor for unge domfelte.

Hordaland friomsorgskontor har hovudkontor i Bergen og lokalkontor i Odda og på Stord, med til saman 40 tilsette. Arbeidet i kriminalomsorga er utfordrande, og me legg vekt på å ha eit godt fagleg og stimulerande arbeidsmiljø. Kriminalomsorgen region vest er eit etatsnivå lagt under Kriminalomsorgsdirektoratet med overordna ansvar for straffegjennomføring i fylka Vestland og Møre og Romsdal. Region vest med ca 500 tilsette har regionadministrasjon i Bergen. Region vest administrerer fem fengsel og tre friomsorgskontor, Lyderhorn overgangsbustad og ND-senteret i Bergen. 

Ein rådgiver skal meistre sjølvstendig sakshandsaming, rådgjeving, analyse og utvikling innanfor eit gitt fagområde. Rådgiver skal ha evne til å setje seg raskt inn i problemstillingar, utarbeida analysar, formidle analysar, målsetnader og resultat på ein god måte. Det krevs minimum tre års relevant erfaring.

Arbeidsoppgåver

• nært samarbeid med ungdomseininga i fengsel
• nært samarbeid med påtale, rettsvesenet og konfliktrådet
• oppgåver knytta til varetekt med elektronisk kontroll
• sakshandsaming, journalskriving, vedtak og oppfølging av domfelte som gjennomførar straff i fridom 
• utarbeide personundersøkingar og egnadheitsvurderingar til bruk i straffesaker 
• oppfølging av menneske som er lauslatne på prøve frå fengsel
• drive innhaldsarbeid som blant anna individuelle samtalar og program
• samarbeide og leggje til rette samhandlinga mellom domfelte og frivillige organisasjonar 
• kontrollera at domfelte overheld gjeldande vilkår 
• informasjonsverksemd til samarbeidspartnare og aktørar 
• den som blir tilsett må rekne med endringar i ansvars- og arbeidsområde

Utdanning og erfaring

Du må ha:

• utdanning på bachelornivå; fengselsskule med bachelor, barnevernspedagog, vernepleiar eller sosionom
• 3 års relevant erfaring innan rus eller psykisk helse
• god munnleg og skriftleg framstillingsevne 
• kunnskap og erfaring i bruk av IKT - system 
• relasjonell kompetanse 
• førarkort klasse B
• personleg eignaheit vil bli lagt vekt på
   

Det er ønskjeleg at du har:

• kjennskap og erfaring frå offentleg forvaltning 
• godt lokalt nettverk 
• erfaring frå teamarbeid
• erfaring fra arbeid med barn og ungdom

Personlege eigenskapar

• gode kommunikasjons og samarbeidsevner 
• evne til å arbeide sjølvstendig og systematisk 
• evne til å motivere menneske til endring
• aktiv bidragsytar til arbeidsmiljø
• sjølvstendig
• initiativrik 
• høg gjennomføringsevne 
• evne til å samarbeide på tvers av fag og avdelingar 
• systematisk, effektivt og nøyaktig 
• evne til å planleggje og strukturere ein arbeidskvardag med mange oppgåver og prosessar

Vi tilbyr

• meiningsfulle oppgåver i ein etat med viktig samfunnsoppdrag 
• gode pensjons, forsikrings og låneordningar i Statens pensjonskasse 
• fleksitidsordning 
• moglegheit for heimekontor 
• trening i arbeidstida 
• flotte lokaler i Bergen sentrum 
• kantine 
• sykkelparkering med garderobe
• dyktige og engasjerte medarbeidere 
• godt arbeidsmiljø 
• stillinga lønnes som 1434 rådgjevar 564 000 - 690 000  Det blir trekt 2 % innskot til Statens pensjonskasse.

Generell informasjon

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.  

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. (https://arbeidsgiver.difi.no/positivsaerbehandling) 

Kriminalomsorgen har moderat kjønnsvotering og menn oppfordras difor til å søkje på stillinga.

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli gjort offentle sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å vende deg til Hilde Stensvoll Neset assisterande friomsorgsleiar tlf 93874949.

For spørsmål om elektronisk utfylling av CV kan Jobbnorge kontaktast på 75 54 22 20.

Kriminalomsorga sitt samfunnsoppdrag er å gjennomføre varetektsfengsling og straffereaksjonar på ein måte som er tillitvekkjande for samfunnet og som motverkar strafflagde handlingar. Målet vårt er at den domfelte etter soning skal velje å leve eit kriminalitetsfritt liv. Visjonen vår er «Straff som endrar» og verdiane våre er: tryggleik, openheit og nytenking som er førande for åtferda vår og som organisasjon.Les meir om verksemdsstrategien vår her. Kriminalomsorga består av Kriminalomsorgsdirektoratet (KDI), Høgskolen og utdanningssenteret for kriminalomsorga KRUS og fem regionar med cirka 60 lokale fengsel og friomsorgskontor.