Spennande stilling på poliklinikk

Medisinsk poliklinikk har ledig vikariat i 80% som sjukepleiar, med moglegheit for fast tilsetjing frå snarast.

Vil du vere med på laget og planlegge for ein framtidsretta poliklinikk innan infusjonsfaget?

Helse Førde har starta ei arbeidsgruppe som planlegg ein felles infusjonspoliklinikk innan fagområda nevrologi, revmatologi, hud, auge, medisin og barn. 
Dette er ein unik sjanse til å vere med i planlegginga og bygge opp eit nytt tilbod. Vikariatet er per no tilknytta medisinsk poliklinikk, men når det vert oppstart av ny infusjonspoliklinikk vil stillinga fylgje med over dit. 

Vi kan ikkje love at arbeidsdagane vil bli like, men vi kan love variasjon. Vi kan også love at du vil bli omringa av eit mangfald av kollegaer. Du vil alltid ha nokon å spørje, lene og støtte deg på. Her er det gode moglegheiter for fagleg utvikling og nye erfaringar.

Innan infusjonsfeltet på medisin er hovudtyngda av pasientpopulasjonen tilknytta gastro og tarmsjukdommar. Men vi har også pasientar med lunge, nyre og endokrinologiske sjukdommar. Fram til oppstart av ny, felles infusjonseining er det desse pasientane og problemstillingane du vil jobbe med.

Arbeidsoppgåver

Arbeidsoppgåvene vil vere knytt til IBD-pasientar og oppfølging av denne pasientgruppa i form av infusjonar, opplæring innan heimebehandling og behovsstyrt poliklinikk. I tillegg vil det også vere oppfølging av andre pasientgrupper, hovudsakleg i form av infusjonar og testar. I tillegg vil det også vere tilknytt eit spennande arbeid med planlegging og oppstart av felles infusjonspoliklinikk. 

Vi brukar DIPS arena som journalsystem. I tillegg brukar vi Imatis og det føreligg oså plan om å nytte kurversystemet Meona i felles infusjonspolklinikk.

Kvalifikasjonar

Søkjar må vere autorisert sjukepleiar/spesialsjukepleiar. Avdelinga set fokus på auka kompetanse og det er mogleg å legge til rette for vidareutdanning innan våre hovudfagfelt. Det vil være ein fordel om du har erfaring frå poliklinikk frå tidlegare, men ikkje påkrevd.

Er det område eller spesifikke problemstillingar du brenn for eller ønskjer å forbetre, vil avdelinga legge til rette for dette. Dette kan ein t.d. gjere gjennom Helse Vest si Forbetringsutdanning der ein lærer å drive eit forbetringsarbeid.

Personlege eigenskapar

Vi ser etter ein engasjert og motivert sjukepleiar som ønskjer å ta del i ein hektisk kvardag med mange varierte problemstillingar. Det er viktig at du kan arbeide både sjølvstendig og i team.

Ei av våre styrker er at vi er ei inkluderande gruppe som hjelper kvarandre og har lav terskel for å stille spørsmål. Fagleg utvikling, evne til fleksibilitet og omstilling er eigenskapar som er viktige hos oss.

Vi tilbyr

Medisinsk poliklinikk tilbyr trygg og god opplæring. Vi har fokus på å styrkje sosial tilhøyrsle og trivsel på arbeidsplassen med årlege treffpunkt. 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Line Anita Hjorthaug, Seksjonsleiar, (+47) 910 08 356

Arbeidssted

Svanehaugvegen 2

6812 Førde

Nøkkelinformasjon:

Arbeidsgiver: Helse Førde


Referansenr.: 5056985848

Stillingsprosent: 80%

Vikariat

Søknadsfrist: 11.01.2026