Rådgjevar

Vestland fylkeskommune har rettleiingstenester for vidaregåande opplæring. Tenesta skal vere med å legge til rette for at flest mogleg ungdom og vaksne fullfører vidaregåande opplæring. Vi har eit nært samarbeid med lærebedrifter, skular, kommunar og andre aktuelle instansar.

Vi har ledig 100 % stilling som rådgjevar innan vidaregåande opplæring - 2. gongs utlysing.

Arbeidsoppgåver

Bidra til at rettleiingstenestene leverer tenester med høg fagleg kvalitet ved å:

• hjelpe skular og lærebedrifter med kompetanseheving og organisasjonsutvikling. Målet er at alle elevar og lærlingar skal oppleve tilpassa og inkluderande opplæring.
• utarbeide sakkunnige vurderingar der Opplæingslova krev det
  
• bidra til å skape fleirfagleg kompetanse i rettleiingstenesta
• bidra til at ungdom og vaksne fullfører vidaregåande opplæring og vert kvalifisert for jobb og vidare utdanning

Andre arbeidsoppgåver innanfor rettleiingstenesta kan vere aktuelle

Kvalifikasjonar

Masternivå frå universitet eller høgskule i relevante fag som til dømes pedagogikk/spesialpedagogikk og:

• kunnskap om lov, regelverk og offentleg forvalting
  
• god munnleg og skriftleg framstillingsevne i norsk
  
• rettleiingskompetanse og erfaring frå vidaregåande opplæring
  
• gode samarbeidsevner som fremjar systemperspektivet i møte med samarbeidspartnarar
  
• førarkort kl. B

Annan relevant kompetanse og/eller erfaring kan erstatte kravet om mastergrad. Ein vert då tilsett i annan stillingsnemning.

Personlege eigenskapar

Du kjenner deg igjen i verdiane våre som er open, kompetent og modig.

l stillinga ser vi etter deg som er:

• lærevillig, fleksibel og har evne til å tileigne deg ny kunnskap
  
• analytisk og viser god systemforståing
  
• inkluderande og byggjer gode relasjonar
  
• engasjert og har evne til å motivere
  
• sjølvstendig og har evne til å løyse problemstillingar i team
  
• ansvarsfull, målretta og systematisk
  

Vi legg avgjerande vekt på personlege eigenskapar.

Vi tilbyr

Hos oss får du:

• ein meiningsfull og samfunnsnyttig arbeidskvardag
  
• ei spanande stilling i eit arbeidsmiljø med høg fagleg kompetanse og engasjerte kollegaer
  
• stort fokus på tverrfagleg samarbeid og fagleg utvikling
  
• løns- og arbeidsvilkår i samsvar med gjeldande avtalar for rettleiingstenesta i Vestland fylkeskommune.
  
• gode offentlege pensjons- og forsikringsordningar
  

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.