Er du ein lagspelar og ynskjer å jobbe i eit tverrfagleg miljø? Bli med oss som elektroingeniør i Ulstein Verft

Er du ein lagspelar, og ynskjer å jobbe i eit tverrfagleg miljø med dyktige og utviklingsorienterte kollegar? Bli med oss som elektroingeniør i Ulstein Verft.

Ulstein Verft si konstruksjonsavdeling har ein nøkkelposisjon i bedrifta og har tilsette med brei erfaring og høgt kompetansenivå innan fagområda elektro, maskin, skrog, stålutrustning og innreiing. Du vil verte ein del at eit kjekt og dyktig team som skaper kreative og gode løysingar.

Elektroavdelinga har per i dag 10 tilsette og vi søkjer deg som primært har kunnskap innan eit eller fleire av fagfelta automasjon, brusystem, kraftsystem, 3D modellering, datanettverk og systemintegrasjon.

Vi verdset utvikling, både fagleg og personleg, så ikkje nøl med å søkje sjølv om du ikkje oppfyller alle krava.

Vi søker etter ein elektroingeniør i fast tilsetting og ein i vikariat.

Arbeidsoppgåver

• Konstruksjon og kalkulering av dei respektive skipssystema og utarbeide produksjonsgrunnlag
• Saksbehandling mot klasse, myndigheiter, underleverandørar og kundar
• Teknisk støtte i innkjøps- og produksjonsrelaterte saker
• Fagleg ansvarleg og ressursstyring i prosjekt vil kunne vere aktuelt i periodar
• Fagperson i avdelinga innan din spesialkunnskap

For rette vedkomande, kunne ta rolla som disiplinleiar for fagområdet elektro i prosjekta

Kvalifikasjonar

• Erfaring frå skipsbygging eller maritime installasjonar innan fagfelta:
  • Automasjon
  • Power/ Kraftsystem
  • 3D (Revit/ Cadmatic)
  • Bru; Navigasjon, Kommunikasjon
  • Datanettverk /Cyber Security)
  • Systemintegrasjon
• Du må kunne kommunisere godt på norsk og engelsk
• Teknisk fagskule eller bachelor innan relevante fagområde
• Relevant erfaring, som elektrikar med skipsbyggjarkompetanse, kan kompensere for manglande formell utdanning.

Personlege eigenskapar

• Sjølvstendig og fagleg engasjert
• Gode kommunikasjons- og samarbeidsevner
• Effektiv og nøyaktig
• Positiv bidragsytar til arbeidsmiljøet

Vi tilbyr

• Interessante, utfordrande og utviklande oppgåver i eit internasjonalt konsern.
• Eit multidisiplinært fagmiljø som vektlegg personleg og fagleg utvikling, sjølvstende og trivsel.
• Konkurransedyktige lønnsvilkår, ordna arbeidsforhold, gode pensjons- og gode forsikringsordningar.

ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen.

Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.

Ulstein Verft bygger og leverer spesialfartøy i hovudsak innan offshoreenergi. Typiske prosjekt er bygging av avanserte skip med stor andel utrusting, som stiller høge krav til prosjektleiing, teknisk kunnskapsnivå og integrasjonskompetanse. Vår ekspertise innan engineering, installasjon og kommisjonering kjem til sin rett innan ettermarknadstenestene våre der vi leverer alle typar ombyggingar, reparasjonar og tørrdokkingar. Saman med Ulstein Elektro Installasjon er selskapet ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.