Budsjettleiar

Vil du ha ei nøkkelrolle i å styrka og utvikla økonomifunksjonen i Time kommune? Stabsområdet Økonomi har 12 medarbeidarar som arbeider med oppgåver innan budsjett og økonomistyring, eigarskapsoppfølging, rekneskap og anskaffingar. Budsjettleiar er ei nyoppretta stilling som skal leia fire rådgjevarar i avdelinga for budsjett og økonomistyring. Avdelinga har ansvar for handlings- og økonomiplan, drifts- og investeringsbudsjett, budsjettmodellar og rapportering. Rådgiving, kurs og opplæring av leiarar i kommunen er óg ein sentral del av arbeidet. Avdelinga har til dels overlappande oppgåver og tett samarbeid med rekneskapsavdelinga. Stillinga gir store moglegheiter for den rette kandidaten til å påverke, utvikla og forma framtidas økonomifunksjon i ein spennande organisasjon.

Hovudmålet som budsjettleiar er å leggja til rette for god økonomistyring og ein sunn økonomi i Time kommune. Du må setja deg inn i økonomien til dei ulike tenesteområda og gjeldande lover, forskrifter og reglement. Du vil ha ei sentral rolle i å sikra grunnlaget for at dei beste økonomiske avgjerdene blir tekne, og vera ein pådrivar for utvikling og forbetring av dokument, planar og prosessar. Stillinga inneber òg arbeid med finansforvaltning og andre sentrale inntekter og utgifter. Budsjettleiar skal leia prosessar som utarbeiding av handlings- og økonomiplanar, økonomiske måltal og heilskapleg rapportering og analysar til administrativt og politisk nivå i kommunen.

Som budsjettleiar rapporterer du til økonomisjef og er med i leiargruppa for stabsområdet Økonomi.

 

Arbeidsoppgåver

• Leia arbeidet med handlings- og økonomiplanen og rapportering
• Budsjettoppfølging gjennom kontroll, analyse og prognosearbeid
• Rapportering og saksutgreiing til administrativ og politisk leiing
• Finansforvaltning
  
• Leiar- og personalansvar
• Nært samarbeid med verksemdsleiarar og kommunalsjefar
• Vedlikehald, tilpassing og vidareutvikling av verktøy og finansieringsmodeller
• Utvikling og forbetring, herunder utvida bruk av Framsikt 
• Andre oppgåver kan leggjast til ut frå behovet til stabsområdet og kompetanse og interesser til kandidaten

Kvalifikasjonar

• Søkjar må ha relevant høgare utdanning innan økonomi, fortrinnsvis på masternivå. Lang og relevant erfaring, saman med bachelorutdanning, kan kompensera for manglande mastergrad. 
• Relevant erfaring og kompetanse innanfor aktuelle fagområde. Erfaring frå kommuneøkonomi vil bli vektlagd.
• Gode kunnskapar i bruk av digitale verktøy.
• Stillinga krev svært gode ferdigheiter i norsk, både munnleg og skriftleg, samt god evne til klar og presis kommunikasjon. 
• Det er ønskjeleg med leiarerfaring og/eller formell leiarutdanning.
  

Du må laste opp relevante vitnemål og attestar. Vitnemål og/eller karakterutskrifter kan du henta frå Vitnemålsportalen. Har du utdanning frå utlandet må du leggja ved godkjenning frå Direktoratet for høgare utdanning og kompetanse (hkdir).

Personlege eigenskapar

• Gode samarbeidsevner og kunne bidra positivt i jobbfellesskapet.
  
• Evne til å kunne arbeida sjølvstendig og ta initiativ til oppgåver som må gjennomførast.
  
• Villig til å ta fatt på nye arbeidsoppgåver etter kvart som organisasjonen endrar seg.
  
• Du må like utfordringar, vera engasjert, løysingsorientert og kunne trekke slutningar.
  
• Evne til å ta ansvar for eiga og avdelinga si utvikling og ta til deg ny kunnskap.
  
• Du må framstå klar og tydeleg.
  

Vi tilbyr

• Ein spennande, variert og fagleg utfordrande arbeidsplass i eit godt arbeidsmiljø.
• Stor påverknad i vidareutvikling av kommunen si økonomioppfølging.
• Gode utviklingsmoglegheiter.
• Nært samarbeid med eit breitt fagmiljø i ein organisasjon i utvikling.
• Lønn etter avtale og ei god pensjonsordning.

Kontaktinformasjon

Sami Munawar, Økonomisjef, 40201556, sami.munawar@time.kommune.no

Arbeidsstad

Arne Garborgs veg 30

4340 Bryne

Nøkkelinformasjon:

Arbeidsgivar: Time kommune


Referansenr.: 5044662833

Stillingsprosent: 100%

Fast

Søknadsfrist: 11.01.2026