Kultursjef

Om arbeidsstaden

Kultursjef er einingsleiar og rapporterer til kommunalsjef for samfunnsutvikling. Samfunnsutvikling er ein av tre sektorar i Austevoll kommune. I denne sektoren inngår utbyggingsprosjekt, folkehelse, samfunns- og arealplan, byggesak, eigedomsforvaltning, drift og vedlikehald, brann og redning, kultur, idrett og frivilligheit. Sektoren har om lag 50 tilsette.

Om stillinga

Austevoll kommune har ledig stilling som einingsleiar for kultur, idrett og frivilligheit. Dette er ei eining som er nyoppretta og skal etablerast i løpet av våren 2026. Eininga skal leiast av kultursjef, som skal rapportere til kommunalsjef for samfunnsutvikling. Kultursjef vil vere rektor for kulturskulen.

Som einingsleiar får du ansvar for å etablere eininga, i tett samarbeid med kommunalsjef. I denne rolla vil du ha overordna ansvar for økonomistyring, personalleiing og fag. Vi søkjer deg som har strategisk forståing og som over tid kan vere med å etablere den nye eininga og vidareutvikla den. 

Ansvars- og arbeidsoppgåver

Einingsleiar for kultur, idrett og frivilligheit har ansvar for følgjande områder: 

• Einingsleiar er rektor for kulturskulen
• Kommunen sitt kulturtilbod
• Bibliotektenester
• Austevollbadet
• Forvaltning knytt til kulturminne og kulturmiljø
• Samarbeid med lag og organisasjonar om idrett- og fritidstilbod og frivillig arbeid

Einingsleiar for kultur, idrett og frivilligheit har ansvar for følgjande oppgåver: 

• Økonomi-, personal- og fagansvar for eininga, og skal ha fokus på strategi, system og utvikling. 
• Sikre heilskapleg ressursforvaltning og følgje kommunens system og prosessar for økonomiplanlegging, økonomistyring og rapportering. 
• Bidra til å skape gode og inkluderande lokalsamfunn
• Sørge for godt samarbeid med innbyggjarane, frivillig sektor, lag og organisasjonar, i tillegg til andre sektorar i kommunen.
• Utgreiing, planarbeid og sakshandsaming knytt til eininga sitt ansvarsområde
• Digitalisering og innovasjon innanfor eininga sitt ansvarsområde
• Forvaltning av tilskotsordningar

Kvalifikasjonar

• Relevant høgare utdanning innan leiing, organisasjon, administrasjon eller eit eller fleire av eininga sine fagområde.
• Erfaring frå kulturfeltet 
• Erfaring med leiing av fag, personal og økonomi
• Erfaring med prosjekt- og prosessleiing og utviklingsarbeid 
• Kunnskap om offentleg forvaltning og politiske prosessar er ein fordel 
• God skriftleg og munnleg framstillingsevne 
• Førarkort klasse B

Personlege eigenskapar vi verdset:

• Vere ansvarleg, strukturert og initiativrik
• Vere målretta og sjølvstendig med god evne til å skape engasjement 
• Ha god rolleforståing 
• Evne til å tenke heilskapleg, prioritere innsats og ha høg gjennomføringsevne
• Evne til å handtere komplekse oppgåver 
• Ha strategisk forståing for utvikling 
• Samarbeidsorientert og god evne til å bygge relasjonar internt og eksternt

Vi tilbyr

• Ei spanande rolle og moglegheit til å etablere ei nyoppretta eining i Austevoll kommune.
• Varierte og utviklande oppgåver i eit tenesteområde under utvikling
• Moglegheit for fagleg utvikling i eit godt og positivt fagmiljø 
• Spanande utfordringar
• Løn etter kvalifikasjonar 
• Delvis heimekontor og fleksibel arbeidstid 
• Gode pensjons- og forsikringsordningar

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.

For ytterlegare informasjon om stillinga, vennleg kontakt Mercuri Urval (MU) ved Ragnhild Rabbe Sandven, tlf 941 21 369 eller Gro Reinertsen, tlf 975 59 058.

Meld di interesse ved å laste opp CV og søknadsbrev innan 09.01.26. All kontakt til Mercuri Urval vil bli behandla konfidensielt, om ønskeleg også overfor oppdragsgivar.

Austevoll er ein øykommune sør-vest i Vestland fylke. Austevoll er den største fiskerikommunen i landet med svært høg næringsaktivitet og byr på eit mangfald av spanande jobbar.

Kommunen sitt administrasjonskontor held til på kommunehuset på Storebø, cirka 5 minuttar med bil frå ferje- og snøggbåtkai.

Kommunen har eit folketal på om lag 5500 og dagleg pendlar omtrent 700 til Austevoll frå nabokommunar.

Vi er rundt 450 fast tilsette som er opptatt av å gi innbyggarane våre gode kommunale tenester.

Vi kan tilby meiningsfylte og utfordrande oppgåver og gode, offentlege pensjons- og forsikringsordningar. Administrasjonsmålet i kommunen er nynorsk. 

Vi ønsker deg velkommen som søkar til stilling i Austevoll kommune!