NIBIO og NLR treng deg til feltforsøk og rådgjeving

Nøkkelinformasjon

Dette er ei delt stilling mellom NIBIO (50%) og NLR (50%). Året blir delt slik at den tilsette arbeider for NIBIO i tida april - september og for NLR i tida oktober - mars. Arbeidsområdet i NIBIO er primært forsøksarbeid knytt til feltforsøk i eng, drift og vedlikehald av jordbruksareal. I NLR er arbeidsoppgåvene i hovudsak jordprøvetaking og gjødslingsplanlegging. 

Stillinga har kontorplass på NIBIO Fureneset. Fureneset ligg ytst i havgapet i Fjaler kommune tett på natur, og med gode forhold for friluftsliv. Husvære kan leigast på staden, og det er kort veg til barnehage og skule. I kommunesenteret Dale er det vidaregåande skule og gode kulturtilbod. Arbeidsmarknaden i området er variert med stillingar på fleire utdanningsnivå blant anna innan havbruk, teknologi, industri, undervisning og helse.

Arbeidsoppgåvene

Arbeidsoppgåver i NIBIO:

• Planlegging og gjennomføring av feltforsøk hovudsakleg i eng
• Databehandling m.a. av forsøksresultat
• Praktiske oppgåver knytt til drift og vedlikehald på Fureneset

Arbeidsoppgåver i NLR:

• Uttak av jordprøver og gjødslingsplanlegging
• Uttak av fôrprøver og fôrvurdering
• Avhengig av søkaren sine kvalifikasjonar kan det bli aktuelt med andre rådgjevingsoppgåver 

Kvalifikasjonskrav

• Landbruksfagleg utdanning frå vidaregåande skule, fagskule eller høgskule/universitet
• Førarkort for bil og traktor
• God kunnskap i norsk (skandinavisk) 

Det er ein fordel om du har

• Kunnskap og interesse for presisjonsjordbruk og digitale verktøy
• Erfaring med praktisk jordbruksdrift
• Interesse for forsking og utvikling av norsk landbruk

Personlege eigenskapar

• Evne til å arbeide sjølvstendig og nøyaktig
• Evne til samarbeid og bidra til eit godt arbeidsmiljø
• Praktisk anlagt og løysingsorientert
• Fleksibel med omsyn til varierande arbeidsoppgåver og arbeidstrykk

Vi tilbyr

• Moglegheit til å jobbe med eit viktig samfunnsoppdrag med fokus på berekraft og framtidsretta prosjekt
• Utfordrande, spennande og varierte oppgåver i tverrfaglege team
• Ein fleksibel kvardag med moglegheit til å påverka eigne arbeidsoppgåver
• Eit sterkt fagmiljø med gode kollegaer
• Ein raus personalpolitikk med velferdsordningar og fokus på dei tilsettes ulike livsfaser

I NIBIO (50 % stilling) vert du løna i kode 1275 ingeniør eller avdelingsingeniør kode 1085, årslønn kr 515.000 - 600.000, avhengig av utdanning og erfaring.

I NLR (50% stilling) vert du løna etter avtale.

Gode pensjons- og forsikringsordningar.

Korleis søkje på stillinga

CV sendar du elektronisk via lenkje på denne sida, "søk stillinga".

Vi ber ikkje om tradisjonelt søknadsbrev, men ber deg i staden om å svare på nokre spørsmål.

Vitnemål og attestar skal takast med ved eit eventuelt intervju, eller leggjast ved elektronisk.

NIBIO gjennomfører bakgrunnssjekk på aktuelle kandidatar via samarbeidspartnaren vår Semac AS.

Video: https://youtu.be/6mZySoUgD2Q

Andre opplysingar

Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, hol i CV, nasjonal eller etnisk bakgrunn.

Som statleg verksemd har NIBIO moglegheit til å gi ein positiv særbehandling for søkjarar som har funksjonsnedsetjing, hol i CV eller innvandrarbakgrunn. Positiv særbehandling inneber mellom anna at du lettare vil komma til intervju.
Les meir om dette her (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten).

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.

NIBIO arbeider med landbruk, mat, klima og miljø. Vi leverer forsking, forvaltingsstøtte og kunnskap til bruk i nasjonal beredskap, forvalting, næringsliv og samfunnet elles. NIBIO har hovudkontor i Ås i Akershus, har om lag 750 tilsette, og er til stades i alle landsdelar. Landbruks- og matdepartementet er eigar av NIBIO.

NIBIO Fureneset arbeider primært med FoU innan grovfôrproduksjon på Vestlandet. Ein samarbeider tett med andre NIBIO-tilsette og har kontorfelleskap med NLR-rådgjevarar på stasjonen. 

Norsk Landbruksrådgiving SA (NLR) er eit landsdekkande samvirkeføretak med 24.000 medlemmer og 400 medarbeidarar. Med 6 regionavdelingar og rundt 100 kontorstader, er NLR sterkt til stades lokalt. NLR er bindeledd mellom forsking og landbruket, og innhentar, utviklar og samordnar kunnskap som rådgivarane formidlar til næringsutøvarane i landbruket.

Våre rådgivarar jobbar med rådgiving og utviklingsoppgåver innan jord- og planteproduksjon, økonomi, regnskap, HMS, maskinteknikk, hydroteknikk, presisjonslandbruk, landbruksbygg, fornybar energi, klima og miljø. Vår visjon er “kompetanse for framtida”. Vi leverer aktuell, kunnskapsbasert, objektiv og heilskapleg rådgiving og er ein attraktiv samarbeidspart for landbruket.