Bjølve Bruk søkjer driftsoperatør

Bjølve Bruk AS er eit settefiskanlegg i Alsaker Fjordbruk konsernet, med ein produksjon på 2,5 mill. smolt. I tillegg produserer anlegget om lag 3 mill. yngel og settefisk. Anlegget har gjennomgått ei større ombygging og står fram som eit topp moderne settefiskanlegg.

Anlegget ligg i Ålvik i Hardanger, nærmare bestemt inne på industriområdet til smelteverket Elkem Bjølvefossen. Det tek ca 1,5 t med bil til Bergen, og 45 min til Voss.
Bjølve Bruk får vatn frå eit av Statkraft sine kraftmagasin. Me nyttar og spillvarme frå smelteverket. Har og bygd ut med varmeveksling mot sjøvatn for å få ein mest mogleg stabil temperatur. Det er eit teknisk anlegg med mange pumper, og installasjonar for behandling og overvåkning av vasskvaliteten.

Det har vore og vert framleis investert store summar for å utvikla Bjølve Bruk AS til eit toppmoderne settefiskanlegg.

Me er totalt 8 motiverte og kjekke tilsette som no søkjer ny medarbeidar.

Ein driftsoperatør sine daglege arbeidsoppgåver er mellom anna:

• Fôring, kontroll og tilsyn av rogn, yngel og smolt

• Drift av utstyr og anlegg

• Produksjons- og kvalitetsoppfylging

Ynskjelege kvalifikasjonar:

• Ansvarsbevisst, engasjert og bidragsytar i arbeidsmiljøet

• Er sjølvstendig og fleksibel, med evne til å stå på når det trengs

• Har teknisk innsikt og evnar å setje seg inn i tekniske løysingar

Me oppmodar personar med lokal tilknyting om å søkja.

Har du utdanning eller erfaring innan akvakultur, er det eit stort pluss!

Me kan tilby deg:

• Jobb i eit av dei leiande norske oppdrettsselskapa for produksjon av laks

• Utfordrande arbeidsoppgåver i eit triveleg miljø

• Moglegheit for fagleg utvikling

Opplæring vil bli gjeven. Driftsoperatør må pårekna å delta i alarm- og helgevaktordning på anlegget, med fleksibel avspaseringsordning.

Alsaker Fjordbruk er eit lokalt forankra havbrukskonsern med hovudkontor på Onarheim i Tysnes kommune. Me tek hand om laksen frå rogn til ferdig pakka produkt, og har aktivitet i 14 kommunar mellom Stavanger og Bergen. Me er eitt av dei største privateigde oppdrettskonserna i landet, med 24 matfiskkonsesjonar, 4 settefiskanlegg, rensefiskanlegg, slakteri, brønnbåt og ein stor flåte av servicebåtar. Alsaker er ein del av

Meidell konsern, som forutan havbruk omfattar marineservice-verksemda Tronds Marine Service, næringseigedomar samt bygde- og eigedomsutvikling. Me har over 3 milliardar i omsetnad og er om lag 350 tilsette i Hordaland og Rogaland. Les om oss på www.alsaker.no