Avdelingleiar Skulestadtunet og Skulestadvegen

Er du vår nye avdelingsleiar?
Vil du vera med og utvikla gode tenester for menneske med funksjonsvariasjoner? 
Voss herad søkjer engasjert avdelingsleiar med hjarta for menneske og blikk for utvikling. 
Eining menneske med nedsett funksjonsevne (MMNF) har ledig 100 % fast stilling som avdelingsleiar i Skulestadvegen og Skulestadtunet. Du er ein del av ei leiargruppe på seks personar, med gode moglegheiter for fagleg støtte og samarbeid. Du vil også ha tilgang til fagrådgjevarar og andre støttespelarar som bidreg til utvikling av gode tenester og eit godt arbeidsmiljø.

Voss herad tilbyr:

• Ein svært meiningsfull jobb med varierte og spennande arbeidsdagar
• Høve til å påverka og vera med på å utforma fremtidas helse- og omsorgstenester
• Faglege og personlege utfordringar i eit raust, kompetent og tverrfagleg arbeidsmiljø
• Gode leiarkollegaer som har fokus på leiing og tverrfagleg samarbeid
• Lønn etter avtale
• Gode forsikrings- og pensjonsordningar
• Mentorordning 

Arbeidsoppgåver
Som avdelingsleiar får du ei viktig rolle i å skapa gode tenester, ein trygg kvardag for tenestemottakarane og eit godt arbeidsmiljø for medarbeidarane.

Du vil mellom anna:

• ha ansvar for fag, personal og økonomi
• støtta og utvikla medarbeidarane dine
• sikra gode og trygge tenester
• samarbeida med pårørande og andre samarbeidspartnarar
• bidra aktivt i leiargruppa
• finna gode løysingar til beste for tenestemottakarane og eininga

Kvalifikasjonar

• bachelor i vernepleie eller anna relevant høgskuleutdanning
• god digital kompetanse
• førarkort klasse B

Det er ein fordel om du har leiarutdanning og/eller leiarerfaring. Som leiar er du trygg og tydeleg, og du byggjer gode relasjonar til både medarbeidarar, tenestemottakarar og pårørande. Du er løysingsorientert og får folk med deg, samstundes som du trivst med ansvar, utvikling og endring. Du arbeider strukturert, tek initiativ og ser moglegheiter der andre ser utfordringar.

Søkjer du arbeid hjå oss og har ein partner du vil ha med deg, finn gode argument for kvifor de skal flytta hit på Hardanger og Voss kallar. Her ligg det ledige stillingar i regionen.

Kvifor velja Voss herad?

Om du har gullmedalje frå OL eller helst ser sport på TV, er du ein av oss. Om du diggar smalahove eller er vegetarianar, er du ein av oss. Om du hoppar i fallskjerm eller går tur på flatmark, er du ein av oss. Vossingane er stolte, av seg sjølve, av bygda, av maten og kulturen. Vil du verta ein av oss, skal me ta godt vare på deg. Her får du lov til å lukkast. Me garanterer at du finn noko å driva med, også når du har fri. Og treng du andre impulsar, er vegen kort til både Bergen og fjorden. No kan du verta ein del av laget, me treng deg.

Søknad

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. 
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
Ver vennleg og legg ved vitnemål og attestar som vedlegg til søknaden. Godkjend politiattest må leggjast fram før tilsetjing. Vitnemål og attestar skal leggjast ved søknaden