Sekretær, 100% vikariat

Sekretær

Me har ledig vikariat i 100% stilling, 1 år med moglegheit for forlenging/fast, som helsesekretær/sekretær ved Voss DPS NKS Bjørkeli.  

Poliklinikken ved Voss DPS består av totalt 30 stillingar, fordelt på ein allmennpoliklinikk med gruppeteam og rehabiliteringspoliklinikk i flotte, moderne lokale. Som sekretær hjå oss får du tre andre sekretær-kollegaer, der den eine er kontorleiar. I tillegg blir du del av eit større fellesskap med eit breitt utval av yrkesgrupper; psykologar, legar, sjukepleiarar, sosionomar, vernepleiar, ergoterapeut, fysioterapeut og musikkterapeut. Me har eit godt arbeidsmiljø og samarbeid mellom oss. Pasientane våre er hovudsakleg i frivillig behandling, men me har også pasientar underlagt tvungent psykisk helsevern utan døgnopphald, og pasientar som er på dom til tvungent psykisk helsevern.  

Arbeidsoppgåver 

• Kontoreininga er bindeleddet i det tverrfaglege samarbeidet gjennom koordinering og administrering av pasientforløp 

• Kommunikasjon med pasientar, pårørande og samarbeidspartnarar. Svært mykje av dette føregår via telefon. 

• Ekspedisjonsoppgåver

• Daglege arbeidsoppgåver i DIPS Arena. 

• Bestilling av pasienttransport

• Bestilling av tolk

• Timeavtalar og ymse andre oppgåver i DIPS for behandlarar

• Delegerte ekstraoppgåver frå kontorleiar

• Ha medansvar for eigen læring og fagutvikling

Kvalifikasjonar 

• Autorisert helsesekretær, medisinsk sekretær eller anna tilsvarande 

• Du må meistre norsk godt, både skriftleg og munnleg 

• Det vil bli lagt vekt på personlege eigenskapar 

Me ynskjer oss 

• God IKT-kunnskap  

• Fordel med erfaring med DIPS Arena og Elements 

• Lagspelar med gode samarbeidsevner 

• Evne til å arbeide sjølvstendig 

• Nøyaktig og strukturert 

• Serviceinnstilt og ansvarsbevisst 

• Arbeidsam og må trivast i eit aktivt og travelt miljø 

• God evne til forståing og omstilling 

• Endringsvillig 

• Opptatt av å bidra til eit godt arbeidsmiljø 

Me tilbyr 

• Ein triveleg arbeidskvardag med gode kolleger 

• Varierte arbeidsoppgåver (telefon, lukefunksjon, brukarstøtte m.m.) 

• Arbeidstid frå 08.00-15.30 mandag til fredag 

• Eit inkluderande og tverrfagleg arbeidsmiljø 

• Moglegheit for fagutvikling 

• Løn i samsvar med gjeldande overeinkomst 

• God pensjonsordning (KLP) 

Me vurderer søknadar og intervju fortløpande

Søknadar vil bli vurderte fortløpande, og aktuelle kandidatar kan bli kalla inn til intervju før søknadsfristen er ute. Stillinga kan bli besett før fristens utløp, så vi oppmodar interesserte om å søkje så snart som mogleg.

Me opererer ikkje med offentleg søkerliste.