Vil du vere med å utvikle framtidsretta og heilskaplege tenester innan psykisk helse og rus?

Bjørnafjorden kommune søkjer ein engasjert og fagleg trygg helsefagarbeidar til avdeling for Miljø og aktivitet. 

Om kommunen 

Bjørnafjorden kommune har over 26 000 innbyggjarar og omlag 1 800 tilsette. Vi er ein nær og inkluderande kommune med ei klar målsetjing:«Det gode livet for alle». Hos oss får du ein meiningsfull jobb der du bidreg til gode tenester og gjer ein positiv forskjell i kvardagen til menneska du møter.  

Om avdelinga 

Avdelinga har ansvar for samordning av ambulerande tenester og lågterskeltilbod til personar med utfordringar knytt til psykisk helse, rus og kvardagsmeistring.  

Avdelinga er organisert i tre fagteam: 

Ambulerande helsehjelp 

Heilskapleg oppfølging i eigen bustad for personar med samansette utfordringar innan rus, psykisk helse og livsmeistring. Målet er å auka meistring, stabilitet og livskvalitet. 

Vartun bustadoppfølging og lågterskeltilbod 

Tilbodet gir trygge rammer og målretta oppfølging som fremjar sjølvstende i eigen bustad. Tenesta omfattar mellom anna samtalar, varme måltid, sosialt fellesskap, utdeling av reint brukarutstyr og medisinering i samband med legemiddelassistert rehabilitering (LAR). 

Livskvalitet 

Lågterskeltilbod med dagsentra (Kontakto, Ung Kontakto og Fjordtreff), arbeidstrening og aktivitetar som klatring, gatefotball, terapiriding, ski- og sykkelverkstad og kaffibrenneri. 

Om stillinga 

Som helsefagarbeidar blir du ein viktig del av teamet vårt. Du samarbeider tett med kollegaer, fagleiarar og avdelingsleiar for å gi brukarane trygge og gode tenester. Du bidreg med fagkompetanse, sikrar god kvalitet i tenestene og er med på vidare utvikling av tilbodet. 

Stillinga er på dagtid med 37,5 timars veke. 

Arbeidsoppgåver 

• Yte heilskaplege og forsvarlege helse- og omsorgstenester til brukarane  

• Bidra til å skape tryggleik, meistring og livskvalitet for den enkelte brukar  

• Delta i planlegging, gjennomføring og evaluering av tiltak i tråd med vedtak og faglege vurderingar  

• Samarbeide tett med brukarar, pårørande og kollegaer for å sikre gode og samordna tenester  

• Bidra til eit godt fagmiljø gjennom kunnskapsdeling, samarbeid og refleksjon  

• Rettleie lærlingar og elevar ved behov  

• Dokumentere og rapportere i tråd med gjeldande rutinar og lovverk  

• Bidra til brukarmedverknad og leggje til rette for at brukarane kan påverke eigen kvardag og eigne tenester  

• Delta aktivt i utvikling og forbetring av tenestene 

Kvalifikasjonar 

• Autorisasjon som helsefagarbeidar 

• Krav om erfaring frå arbeid innan psykisk helse og/eller rusfeltet 

• Vidareutdanning innan psykisk helse- eller rusarbeid er ein fordel 

• Førarkort klasse B 

Personlege eigenskapar 

Vi ser etter deg som: 

• arbeider strukturert og sjølvstendig, og trivst med tverrfagleg samarbeid 

• har gode relasjonelle ferdigheiter og kommuniserer tydeleg 

• er fagleg engasjert, utviklingsorientert og løysingsfokusert 

• har høg etisk medvit og verdset respekt, lojalitet og profesjonalitet 

Personleg eignaheit vil bli tillagd stor vekt. 

Vi tilbyr 

• eit sterkt og kompetent fagmiljø med stort engasjement 

• moglegheit til å påverke utvikling av framtidsretta tenester 

• gode høve til fagleg og personleg utvikling 

• løn etter gjeldande avtaleverk 

• gode pensjons- og forsikringsordningar 

• gratis parkering 

• ein variert arbeidskvardag der du kan gjere ein konkret forskjell 

Attester og fagbrev skal takast med til eventuelt intervju. 

Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn. 

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anordninga ikkje vert teke til følgje vil søkjaren varslast om dette. 

Vi vil aldri be søkjar om å oppgi BANK-ID informasjon i søknadsprosessen.