Spesialrådgjevar Trygg Trafikk Vestland

Trafikktryggleik for alle

Vil du bidra i arbeidet for nullvisjonen og målet om at færrast mogleg skal bli hardt skadde i trafikken?

Trygg Trafikk er ein ideell organisasjon som arbeider for å oppnå best mogleg trafikktryggleik for alle trafikantgrupper, og er ein av hovudaktørane i trafikktryggleiksarbeidet både nasjonalt og på fylkesnivå. Trygg Trafikk vart oppretta i 1956 og har organisasjonar, fylkeskommunar, kommunar og bedrifter som medlemmer. Vi er om lag 55 medarbeidarar, der 15 er tilsette som regionleiarar i fylka. Hovudkontoret vårt ligg i Oslo. I Vestland har vi kontorplassar i Bergen, Leikanger og på Voss. Kontorstad for denne stillinga vert avtalt nærare. For meir informasjon om Trygg Trafikk, sjå www.tryggtrafikk.no (https://www.tryggtrafikk.no/).

Om rollen

Spesialrådgjevaren skal bistå regionleiaren i Trygg Trafikk Vestland med å sikre at trafikkopplæring og informasjon om trafikktryggleik vert gjennomført som ledd i ein samordna innsats mot trafikkulykkene. Spesialrådgjevaren skal bidra i arbeidet med å nå hovudmåla til Trygg Trafikk, som er å:

• vere pådrivar i arbeidet for ein trafikksikker oppvekst for barn og unge
• bidra til at trafikantane tek trygge val i trafikken
• sikre at trafikktryggleik er eit felles samfunnsansvar for alle forvaltningsnivåa

Arbeidsoppgåvene vil mellom anna vere å

• vere pådrivar overfor kommunane og fylket for å sikre tverrfagleg arbeid med trafikktryggleik
• sikre ivaretaking av trafikkopplæring og trafikktryggleik i vidaregåande skule, grunnskular og barnehagar
• planleggje og gjennomføre trafikantretta trafikktryggleikstiltak
• gjennomføre kampanjar for auka bruk av tryggingsutstyr
• publikumskontakt
• andre oppgåver i samarbeid med regionleiar Vestland

Vi søkjer deg som

• ønskjer å bidra i arbeidet med å redusere talet på hardt skadde og drepne i trafikken
• har god forståing for offentleg forvaltning og politiske prosessar
• har erfaring frå pådrivar- eller formidlingsarbeid
• har god skriftleg og munnleg framstillingsevne, og meistrar begge målformer
• har kjennskap til trafikktryggleik som fagfelt
• er sjølvstendig, med evne til å arbeide i team og i prosjekt
• er god på relasjonsbygging og har erfaring med tverrfagleg samarbeid
• er initiativrik, målretta og strukturert

Høgare utdanning er ein fordel.

Vi tilbyr

• ein sjølvstendig og utfordrande jobb
• gode moglegheiter for personleg og fagleg utvikling
• varierte arbeidsoppgåver
• dyktige kollegaer over heile landet
• løn etter avtale
• medlemskap i Statens pensjonskasse
• gode forsikringsordningar

Det må reknast med noko reiseverksemd. 

Sammen om en tryggere fremtid

Trafikksikkerheten er summen av en lang rekke faktorer, men den viktigste er oss mennesker. Alle de små og store valgene du og jeg tar hele tiden - hver gang vi ferdes, det kan vi gjerne kalle trafikksikkerhetsarbeid.

Video: https://www.youtube.com/watch?v=07YpNfLxY10

Generell informasjon

Kontorplassering etter avtale: fortrinnsvis Bergen eller Leikanger.

Spørsmål om stillinga kan rettast til regionleiar Vestland Knut Olav Nestås, tlf. 412 06 132, eller avdelingsleiar Knut Skjetne, tlf. 952 53 114.

Søknadsfrist er 2. august 2026

Trygg Trafikk arbeider for å oppnå best mulig trafikksikkerhet for alle. Mange er opptatt av sikkerhet i samferdselssektoren, men Trygg Trafikk er den eneste aktøren som kun arbeider med trafikksikkerhet. Trygg Trafikk er bidragsyter til nullvisjonen og retter oppmerksomheten mot alle som blir skadet i trafikken. Nullvisjonen innebærer et delt ansvar mellom myndigheter og trafikanter. Myndighetene skal sørge for at trafikksystemet er så sikkert at feilhandlinger ikke fører til død eller alvorlig skade. Trafikantene skal gjøre sitt beste for å overholde reglene i trafikken og vise aktsomhet.Trygg Trafikk er pådriver for et sikkert veisystem og bidrar til at trafikantene har kompetanse til å ta sin del av ansvaret. Vårt samfunnsoppdrag er knyttet til trafikkopplæring av barn og unge, informasjon om risikofaktorer og bruk av sikkerhetsutstyr.


Trygg Trafikk er opptatt av mangfold, og oppfordrer kvalifiserte kandidater til å søke uansett alder, kjønn, kulturell eller etnisk bakgrunn