Rådgjevar kultur

Klepp kommune ligg sentralt på Jæren med korte avstandar internt og til nabokommunar. Kommunen har 21 000 innbyggarar. Kommunens administrasjon er organisert i fem hovudområde; samfunn og kultur, barn og unge, helse og velferd økonomi og fellestenester.

Kulturavdelinga i Klepp kommune består av Klepp bibliotek, Klepp Frivilligsentral, Plogen kultursal, tilrettelagte fritidstilbod, integrering- og inkluderingsarbeid, og har i tillegg ansvar for eit bredt spekter oppgåver på kulturfeltet. Me driv fleire prosjekt og aktivitetar, har ansvar for planarbeid, forvaltning av tilskot, lokaler til kulturformål, idrett, kunst og kulturminnevern. Hausten 2026 flyttar me inn i nye Plogen kulturhus og rådhus. Plogen kulturhus inneheld kultursal, bibliotek, frivilligsentral, ungdomsklubb og kulturskule på ein og same stad. Her er også ny kyrkje og nytt rådhus. Plogen kulturhus skal være med å løfta kulturlivet lokalt og i regionen, skapa meir liv i sentrum, vera ein møteplass for generasjonar og kulturar.

Me søkjer ein engasjert og utviklingsorientert kulturrådgjevar som ønskjer å bidra til eit aktivt og inkluderande kulturliv i kommunen. Stillinga er plassert i kulturavdelinga og inneber både strategiske, rådgjevande og operative oppgåver. Arbeidsinnhaldet er i hovudsak knytt til kulturminnevern, forvaltning av kommunale bygg til kunst- og kulturproduksjon, kommunale kunstprosjekt og kunstsamling, samt sakshandsaming knytt til skjenking og servering, men kan endra seg over tid.

Arbeidsoppgåver

• Rådgjeving, sakshandsaming og planarbeid for kulturminnefeltet
• Utvikling av samarbeid og formidlingstiltak knytt til kulturminnevern
• Prosjektarbeid og samarbeid om kommunale kunstprosjekt
• Registrering og vedlikehaldsansvar knytt til kommunen si kunstsamling
• Legge til rette for bruk og aktivitet i kommunen sine lokaler for kunst- og kulturproduksjon, på tvers av kunstfelt
• Sakshandsaming for skjenking og servering
• Planarbeid, tilskotshandsaming, og oppfølging av kommunale kulturplanar og tiltak
• Samarbeid med innbyggjarar, lag og foreiningar, kunstnarar og andre aktørar
• Tverrfagleg samarbeid internt i kommunen, med fylkeskommunen og med eksterne samarbeidspartnarar
• Andre oppgåver i kulturavdelinga

Kvalifikasjonar

• Relevant høgare utdanning
• Kunnskap om kulturminnevern, historie, forvaltning og/eller visuell kunst
• Erfaring frå kulturarbeid, offentlig forvaltning eller tilsvarande er ønskjeleg
• God skriftleg og munnleg framstillingsevne
• Gode digitale ferdigheter
• Gode samarbeids- og kommunikasjonsevner
  

Personlege eigenskapar

Vi vil legge stor vekt på personleg dugleik, og at du er:

• engasjert, strukturert og løysingsorientert
• har evne til å arbeida sjølvstendig og i samarbeid med andre
• har interesse for samfunn, kultur og lokal utvikling
• er fleksibel, har evne til å handtere ulike oppgåver og setje deg inn i nye fagfelt

Vi tilbyr

• Eit spanande tverrfaglig miljø og moglegheit til å bidra aktivt i utviklinga av kommunen sitt kulturliv
• Varierte og utfordrande oppgåver med store moglegheiter til å påverke utviklinga innan arbeidsområdet
• Lønn etter avtale
• Fleksibel arbeidstid
• Gode forsikrings- og pensjonsordninga (https://www.klp.no/pensjon/offentlig-tjenestepensjon-kort-fortalt)
• Gratis parkering
• Gratis adgang i bassenget i Klepphallen, ved gitte tider
• Ordning med refusjon for behandling hos fysioterapeut og kiropraktor

Vi ber om at du laster opp attester og vitnemål i PDF-format saman med søknaden din. Utanlandske vitnemål må være godkjent av Direktoratet for høgare utdanning og kompetanse (HK-dir) hkdir.no/utdanning-fra-utlandet. Utanlandske attester må være oversett til et skandinavisk språk eller engelsk. Vi gjer oppmerksam på at dokumentasjon på blant annet avtent verneplikt og omsorg for barn, eldre eller sjuke også kan gi utteljing på lønnsansiennitet.

Klepp er den største av kommunane på Jæren, med over 21 000 innbyggarar og om lag 1800  tilsette. Me ligg sentralt til, med korte avstander både til Stavanger, Sandnes og Bryne.

Kommunen vår har dei flottaste strendene i heile regionen, me har ein spennande kulturhistorie, og ei god blanding av landbruk, industri og varehandel.

Visjonen vår er «Med blikk for alle».  Me ønskjer tilsette som tek i eit tak, bryr seg og tenkjer fritt, og me oppmodar alle kvalifiserte til å søkja, uansett alder, kjønn, funksjonsevne, seksuell orientering, religion eller etnisk bakgrunn.

Me gjer merksam på at søkarlister kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.