Drifts - og serviceteknikar

Teknisk drift ved Førde sentralsjukehus søkjer drifts- og serviceteknikar med allsidig kompetanse.

Ønskjer du ein variert arbeidskvardag der du får brukt både bygg- og maskinførarkompetansen, i tillegg til mekanisk forståing?
Vi søkjer ein praktisk anlagt og løysingsorientert medarbeidar til arbeid innan teknisk drift.

Vi oppfordrar kvinner til å søkje.

Oppstart i stillinga: snarast eller etter nærare avtale.

Arbeidsoppgåver

• Arbeidsoppgåver innan byggfag.
  
• Mekanisk arbeid og service, mellom anna reparasjon av sjukehuset sine senger.
• Køyring og handtering av ulike maskiner og utstyr.
• Bidra til effektiv og trygg gjennomføring av daglege arbeidsoppgåver.
• Anna førefallande arbeid innan teknisk drift.
• Ein må rekne med å delta i vaktordning ved vintervedlikehald.

Kvalifikasjonar

• Fagbrev innan byggfag eller mekaniske fag
• Gyldig maskinførarbevis er eit krav, eller må takast
• God teknisk forståing og praktisk anlagt.
• Førarkort klasse B er eit krav.
• Gode kunnskapar i norsk, både munnleg og skriftleg

Personlege eigenskapar

• Likar varierte og allsidige arbeidsoppgåver.
  
• Er sjølvstendig og strukturert.
  
• Er løysingsorientert og ansvarsbevisst.
  
• Har gode samarbeidsevner.

Vi tilbyr

• Ein variert og spennande arbeidskvardag.
  
• Eit godt arbeidsmiljø.
  
• Moglegheit for fagleg utvikling.
  
• Gode pensjons- og forsikringsordningar.
  

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.