Vil du bli ein del av jordmortenesta i Alver?

Om stillinga

Vi har ledig 50% vikarstilling som jordmor i Alver kommune frå snarast, og ut 2026.
Stillinga har dagarbeidstid 37,5 t/v i full stilling.

Arbeidsoppgåver

Stillinga omfattar:

• Oppfølging av gravide i tråd med rettleiande program for svangerskapsomsorga
• Barselsomsorg- oppfølging av mor og barn dei første 5-7 dagane etter fødsel
• Ammerettleiing
• Kurs for gravide og deira partnarar
• Tett samarbeid med helsesjukepleiar og andre tenester, intern og eksternt

Kompetansekrav

• Jordmor med norsk autorisasjon
• Førarkort kl. B
• Det er krav om at arbeidstakar disponerer eigen bil i tenesta

Ønska kompetanse

Relevant jordmorpraksis frå føde- /barselsavdeling. Det er også ein fordel med erfaring frå arbeid i svangerskapsomsorg
 

Vi søker deg som:

• Har fokus på tverrfagleg samarbeid og heilskap
• Er oppteken av god kvalitet i tenesta
• Arbeider sjølvstendig, men samstundes er ein lagspelar
• Er god til å kommunisere, både med kollegaer, brukarar, foreldre/føresette
• Har evne til planlegging og gjennomføring
• Er utviklingsorientert
• Har god munnleg og skriftleg framstillingsevne

Vi tilbyr

• Arbeidsmiljø prega av engasjerte tilsette, høgt fagleg nivå og tydeleg brukarfokus
• Gode moglegheiter for fagleg og personleg utvikling
• God offentleg tenestepensjon gjennom KLP
• Løn etter avtale

Politiattest

I tråd med helse- og omsorgstenestelova § 5- 4 vert det stilt krav om tilfredsstillande politiattest ved tiltrede.

Jordmortenesta i Alver kommune er organisert i tenesteområdet Helsestasjon- og jordmortenesta, i sektor Oppvekst. 
Vi har 4,5 årsverk jordmor.

Vi er ei teneste med tydeleg fokus på helsefremjande og førebyggjande arbeid etter gjeldande faglege
retningsliner for svangerskap og barselomsorg.

Tenesta tilbyr svangerskapsomsorg ved tre helsestasjonar i
kommunen, i samarbeid med fastlegetenesta.
 

Tenesta driv også barselomsorg alle kvardagar, med tilbod om heimebesøk til alle nyfødde og deira føresette.Vi tilbyr etterkontroll til sårbare kvinner.
I tillegg tilbyr tenesta fødselsførebuande kurs og ammekurs for gravide og deira partnarar. Vi er opptatt av tverrfagleg samarbeid, og ynskjer å byggje ei teneste med brei kompetanse for å møte brukarane sine heilskaplege behov. 

Vil du vere med å vidareutvikle og skape ei framtidsretta jordmorteneste er dette jobben for deg!