Er du ein erfaren og strategisk sterk leiar?

Om stillinga

Vi søkjer ein engasjert og framtidsretta einingsleiar for Avlastingstenester barn og unge. Som einingsleiar har du heilskapleg ansvar for fag, personal og økonomi, samt ansvar for drift og utvikling av avdelinga. Du vil ha to avdelingsleiarar i teamet ditt, samt driftskoordinator som har ansvar for avlasting i privat heim. 

Avlastingstenesta for barn og unge er organisert under habiliteringstenesta. Einga gjer avlastingstilbod til familiar til born og unge med nedsett funksjonsevne. Visjonen vår, "Saman for livskvalitet", når vi gjennom målretta arbeid som støttar barnet eller ungdommen i å meistre kvardagen og bli meir sjølvstendig, med utgangspunkt i barnet/ungdommen sine eigne ressursar. 

Du arbeider tett med adelingsleiarar og driftskoordinator i eininga. Som leiar samarbeider du mellom anna med forvaltningskontoret om vedtak og tilrettelegging av tilbod til dei ulike familiane. Du inngår tenesteleiar si leiargruppe.

Tida framover

Alver kommune står i ein omstillingsprosess der me saman skal byggje Alver-laget for framtida. Habiliteringstenesta er i ei spanande utvikling, der vi skal gjennomføre organisatoriske og strukturelle grep for å sikre ei ressurseffektiv drift som på same tid yt gode og framtidsretta tenester. 

Habiliteringstenesta arbeider også med ein felles strategi for tenesta, der verdiane våre er; 

• Nytenkning 
• Tryggleik 
• Myndiggjering 
• Menneskemøte 

Du vil som leiar, saman med dei andre einingsleiarane i Habiliteringstenesta og tenesteleiar, være med på å utvikle tenesta og bidra til felles kulturbygging. Som ein del av leiarteamet i Habiliteringstenesta er du med på å drive internt organisasjonsarbeid, for å sikre likeverdige, gode og berekraftige tenester i framtida.

Arbeidsoppgåver

• Ansvar for at den daglege drifta er planlagt, koordinert og gitt etter gjeldande lovverk og interne rutinar
• Økonomistyring i henhold til budsjett, månadleg økonomirapportering med utarbeiding av prognose. 
• Personalansvar 
• Samarbeid med andre avdelingar og samarbeidspartar
• Sikre at tenesta er fagleg og etisk forsvarleg
• HMS ansvar
• Ansvar for å leie avdelinga gjennom endring og omstilling.
• Sikre brukarmedverknad og samhandling med pårørande.
• Ansvar for å sikre eit godt partssamarbeid mellom leiar, verneteneste og tillitsvalde

Kompetanse

• 3-årig helse- og sosialfagleg utdanning på bachelornivå eller høgare.
• Relevant leiarerfaring (minimun 2 år) 
• Gode norskkunnskapar, munnleg og skriftleg 
• Gode digitale ferdigheter og evne til å nytte digitale verktøy og dokumentere i fagsystem i tråd med gjeldane rutinar.
• Førarkort klasse B 

Det er eit føremon om du har:

• Vidareutdanning innan leiing og rettleiing
• Erfaring med endringsarbeid og tjenesteutvikling
• God rolleforståing og evne til å handtere komplekse situasjonar som kombinerer fag, drift og personalansvar
• Erfaring med å utarbeide turnus
• Erfaring frå arbeid med born og unge i helse- og omsorg og/eller psykiatri.
• Kunnskap og erfaring med HOL kap. 9 og dokumentasjon/ kvalitetssikring
• Kjennskap til digitale fagsystem for dokumentasjon frå kommunal sektor.

Personlege eigenskapar

Me søkjer ein erfaren og strategisk leiar som brenn for utvikling og  å gjere andre gode. Du er ein inspirerande rollemodell som motiverer teamet ditt og fremjer dialog og samarbeid. Du har gode kommunikasjons og samarbeidsevner, og er ein trygg relasjonsbyggar som evner å kombinere tydelegheit med omsorg. Som person er du løysingsorientert og du trivst i ein travel og tidvis uføreseieleg arbeidskvardag. Du er ansvarsmedviten, stødig og lojal, med eit heilskapleg perspektiv på avdelinga og verksemda. Du deler og formidlar kunnskap på ein trygg og god måte, og har evna til å arbeida både sjølvstendig og i team. Ditt faglege engasjement og målretta arbeidsmetode bidreg til eit inkluderande, positivt og raust arbeidsmiljø.

Me tilbyr

• Faglege og personlege utfordringar i eit fagleg godt arbeidsmiljø
• Lønn etter avtale
• Høve til å være med å påverke og utforme Habiliteringstenesta
• Støtte og fellesskap i leiarteamet
• God pensjonsordning, yrkesskade - og gruppelivsforsikring
• Spennande og variert arbeidskvardag i ei viktig teneste i kommunen
• Gratis parkering 

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me er Alver

Me får vere der frå aller fyrste stund, og vi får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan. 

Alver kommune - Ein spennande organisasjon for engasjerte og kompetente medarbeidarar! 

Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare. 

Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Vi er også stolte av å huse verdas beste korps og vere vertskap for eit rikt kulturliv. 

Vi verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Vi legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen.  

Bli med på vårt eventyr i Alver kommune, der vi søkjer etter dedikerte og dyktige menneske som ønsker å vere ein del av vår felles suksesshistorie. Vi ser fram til å ønskje deg velkommen og gi deg ei meiningsfull og givande karriere hos oss.