Fagansvarlig bioingeniør, PNA og prøvetaking

Vil du jobbe som fagansvarleg bioingeniør – og ha fjord, fjell og skiopplevingar rett utanfor døra?
Som fagansvarleg bioingeniør ved Laboratoriet i Odda får du ei sjølvstendig rolle med ansvar for PNA og prøvetaking, tett på drift og pasientbehandling – i eit lite og samansveisa miljø der du faktisk får påverke kvardagen. Du blir fast tilsett hos oss, men sjølve fagansvaret er eit vikariat i ein avgrensa periode.

Er du 3.-årsstudent? Då kan du få 50 000 kr dersom du bind deg i 2 år - søk her!

Vurderer du å flytte – men vil vere trygg på at overgangen blir enkel? I Odda hjelper vi deg i gang med flyttepakke (inntil 20 000 kr) og husleige dekka dei første 6 månadene (inntil 60 000 kr). Du kan òg ha rett på sletting av studiegjeld – sjekk her.

👉 Vi gler oss til å høyre frå deg! Har du spørsmål, eller ønskjer du ein uformell prat? Ta kontakt med oss i dag.

Odda byr på Trolltunga, brevandring, kajakk, sykling, fruktgardar – og gode moglegheiter for ski og topptur når sesongen er inne. Perfekt for deg som vil bruke fritida like aktivt som du bruker faget ditt. Les meir om kva Odda har å by på: hardangerfjord.com/ullensvang/opplevelser.

Kva går jobben ut på?

Arbeidsoppgåvene dine vil mellom anna vere:

• Blodprøvetaking
• Blodgass
  
• Urin
  
• Glukose
  
• Opplæring av ansatte ved Odda sjukehus i blodprøvetaking, analysering av blodgass, urin og glukose
• Delta i rutinedrift og vaktordning

Kva kompetanse er viktig i denne rolla?

• Norsk autorisasjon som bioingeniør
  
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad

Kva ser vi etter hos deg?

Hos oss er det viktig at du:

• jobbar nøyaktig og har blikk for kvalitet – også når det er mykje å gjere
• tek initiativ og har gjennomføringsevne når noko bør forbetrast
• kommuniserer tydeleg og samarbeider godt på tvers av fag og roller
• bidreg til eit godt arbeidsmiljø og liker å spele andre gode

Kvifor skal du velje oss?

• Faglege utfordringar og høgt fagleg nivå
  
• Interessante og varierte arbeidsoppgåver
  
• Godt arbeidsmiljø og engasjerte medarbeidarar
  
• Hjelp til bolig
• Mulighet for tilrettelagt turnus og friperioder

Sletting av studiegjeld: Du kan ha rett på sletting av utdanningsgjeld dersom du bur i ein kommune som er omfatta av ordninga. Les meir her!

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

For å bli betre kjend med oss, kan du sjå her www.helse-fonna.no.