Strategisk rådgivar kollektivtransport

Som strategisk rådgivar vil du få ei sentral rolle i å utvikle og følge opp strategiar, planer og prosjekt innan kollektivtransport, og du vil samarbeide tett med fagmiljø innan analyse, planlegging og drift. Rollen krev evne til å sjå heilskap og samanhengar, og til å omsette innsikt og data til strategiske anbefalingar.
Stillinga er plassert i kollektivavdelinga FRAM, som er Møre og Romsdal fylkeskommune si merkevare for kollektivtrafikk.

Fylkeskommunen har ansvar for 20 fylkesvegferjesamband og 4 hurtigbåtsamband, og det blir produsert om lag 20 millionar rutekilometer med buss kvart år.

Vi har kontorstadar i Molde, Ålesund og Kristiansund og du kan sjølv velje kontorstad.

Arbeidsoppgåver

· Utarbeide og følge opp strategiar og planar for kollektivtilbodet
· Leie og koordinere utviklingsarbeid og prosjekt internt i avdelinga og i samarbeid med andre aktørar som operatørar og kommunar
· Utarbeide analyser og kunnskapsgrunnlag om kollektivtilbodet
· Utarbeide saksframlegg for politisk behandling
· Bidra til innovasjon og utvikling av kollektivtilbodet

Kvalifikasjonar

· Bachelor eller master i samfunnsplanlegging, transportfag/logistikk, strategi eller samfunnsfag
· Erfaring frå strategisk arbeid, gjerne innan kollektivtransport eller offentleg sektor
· God forståing for politiske prosesser og offentleg forvaltning
· God norsk skriftleg og munnleg formidlingsevne

Personlege eigenskapar

· arbeider faktabasert og analytisk, med god gjennomføringsevne
· har evne til å tenke strategisk og langsiktig
· samarbeider godt i team og på tvers av fag- og kompetanseområde
· er sjølvstendig og evner å prioritere mellom oppgåver
· Er ein lagspelar som kan vere med å utvikle fagområdet og det sosiale fellesskapet på ein god måte
· Er nysgjerrig på korleis teknologi og data kan støtte strategisk arbeid

Vi tilbyr

• eit aktivt og engasjert fag- og arbeidsmiljø
• ein arbeidsplass som legg til rette for fleksibilitet i arbeidskvardagen
• god tilgang til faglege nettverk og fagleg utvikling
• offentleg pensjonsordning, gruppelivs- og ulykkesforsikring
• løn etter avtale

Bli med å utvikle regionen saman med oss!

Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen. Verdigrunnlaget vårt er ein lærande organisasjon, kjenneteikna av verdiskapande samarbeid og tillit.

Fylkeskommunen har ansvaret for kollektivtrafikk i fylket. Den er også den største vegeigaren i Møre og Romsdal med ansvar for 3300 kilometer fylkesveg. Vi har nær 180 medarbeidarar med kontorlokasjonar i Ålesund, Molde og Kristiansund. Samferdselsområdet er organisert med 2 fagavdelingar; FRAM kollektivavdeling og Fylkesvegavdeling.


FRAM er ansvarleg for buss, hurtigbåt og fylkesvegferjer, og skal sørge for at kollektivtilbodet i Møre og Romsdal vert drifta og utvikla på ein effektiv, god og miljøvenleg måte 


Fylkesvegavdelinga har ansvar for trafikktryggleik, utvikling, utbygging, forvaltning og drift av fylkesvegar i Møre og Romsdal.

Samferdselsområdet har et solid kompetansemiljø innen sine fagområder. 

Møre og Romsdal fylkeskommune er oppteken av mangfald, og vi oppfordrar difor alle som er kvalifisert i henhald til stillingas krav, til å søkje hos oss. Vi tilpassar arbeidsplassen om du har behov for det.

Dersom det kjem fram av din søknad at du ønskjer konfidensiell handsaming, gjer vi merksam på følgjande: Opplysningar om søkar kan gjerast offentleg sjølv om søkar har bedt om konfidensiell behandling.

Søker vil da få tilsendt informasjon om dette jf. offentleglova § 25.

Lenke til --> Samferdselsområdet (mrfylke.no)