Vil du forvalte og vidareutvikle viktige samfunnsverdiar til beste for Fjaler?

Sparebankstiftinga Fjaler er ein langsiktig eigar i SpareBank 1 Sogn og Fjordane med ein eigardel på om lag 6 prosent. Stiftinga forvaltar betydelege verdiar til beste for lokalsamfunnet. Stiftinga deler årleg ut om lag 20 millionar kroner til samfunnsutvikling, frivillig sektor og fleirårige prosjekt i regionen.

Vi søkjer no ein dagleg leiar som saman med styret vil vidareutvikle stiftinga sitt samfunnsoppdrag, sikre ansvarleg forvaltning og styrkje stiftinga si rolle lokalt.

Ansvar og oppgåver

• Dagleg leiing av stiftinga i tråd med vedtekter og styrevedtak
• Forvaltning av stiftinga sine verdiar og utøving av eigarskap i banken
• Ansvar for gåveverksemd, prosjektoppfølging og kontroll
• Leie strategiprosess i samarbeid med styret
• Dialog og samarbeid med kommunar, næringsliv, frivillig sektor og andre stiftingar
• Rapportering, kontroll og etterleving

Vi ser etter deg som

• Har relevant høgare utdanning og leiar- eller forvaltningserfaring
• Har god forståing for økonomi, forvaltning og kontroll
• Er ein tydeleg og tillitvekkande kommunikatør, synleg i lokalmiljøet
• Arbeider strukturert og kombinerer strategisk blikk med operativ gjennomføring
• Kjennskap til bank/finans er ein fordel
• God på skriftleg nynorsk

Vi tilbyr

• Ei meiningsfull leiarstilling med stort handlingsrom
• Høve til å påverke samfunnsutvikling i regionen
• Solid økonomisk fundament og langsiktige perspektiv
• Heiltidsstilling, men med moglegheit for redusert omfang
• Arbeidsstad i fine lokal i Dale

For nærare informasjon kan du ta kontakt med Ingar Valvik, styreleiar i Sparebankstiftinga Fjaler på tlf. 997 01 083 eller våre rådgjevarar i Bønes Virik Executive Search AS Arild Mjøs Andersen, tlf. 916 06 509 eller Anne S. Posner tlf. 906 91 846. Søknadsfrist er 15. februar 2026.

Sparebankstiftinga Fjaler står for eit langsiktig og stabilt eigarskap i Sparebanken Sogn og Fjordane og ivaretek sparebanktradisjonar ved å bruke delar av overskotet til gåver til allmennyttige føremål. Sparebankstiftinga Fjaler har to hovudformål med eigarskapen sin: Stå for eit langsiktig og stabilt eigarskap i SpareBank 1 Sogn og Fjordane og ivareta sparebanktradisjonar ved å bruke delar av overskotet til gåver til allmennyttige føremål. Les meir på https://www.ifjaler.no