Konsulent

Os vgs skule tilbyr fem yrkesfaglege utdanningsprogram: bygg - og anleggsteknikk, elektro og datateknologi, helse - og oppvekstfag, sal, service og reiseliv og teknologi- og industrifag. I tillegg har vi landsliner innan anleggsteknikk og yrkessjåfør, påbygg til generell studiekompetanse og særskilt tilrettelagt opplæring.


Skulen har om lag 500 elevar og 105 tilsette som kvar dag arbeider mot visjonen om å vere modige, åpne og kompetente.


Skulens elevsyn er å møte eleven med respekt, fleksibilitet og positiv innstilling. Ut i frå ulike føresetnader, vil vi bidra til at kvar elev vert ein god medborgar og får tileigna seg relevant fagkunnskap.

Skulen har no ledig 100 % vikariat stilling som konsulent frå snarast og inntil vidare. Søkjarar vil bli vurdert fortløpande.

Arbeidsoppgåver

Arbeidsoppgåver

• Kontoradministrative oppgåver
• Sentralbord og ekspedisjon
• Fakturabehandling
• Innkjøp
• Sakshandsaming og arkiv
• Brukarstøtte for elevar og tilsette

Kvalifikasjonar

Kvalifikasjonar

• Fagbrev i kontorfag og/eller relevant utdanning
• Gode IKT kunnskapar
• Gode norskkunnskapar både skriftleg og munnleg
• Ønskjeleg med erfaring frå vidaregåande opplæring
• Erfaring i bruk av Elements og VISMA in School (VIS) vil verta foretrekt
• Personlege eigenskapar vil bli vektlagt

Personlege eigenskapar

• Interesse for fagfeltet
• Sjølvstendig, målretta og strukturert
• Serviceinnstilt
• Løysningsorientert
• Taklar høgt tempo og utfordringar
• Er serviceinnstilt i møte med mennesker og behandlar alle med respekt

Vi tilbyr

• Os vgs kan tilby eit triveleg arbeidsmiljø og ein variert kvardag
• Løn og lønsutvikling etter lov og avtaleverk i tråd med Vestland fylkeskommune sin lønspolitikk
• Gode forsikrings- og pensjonsordningar

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.