Rong arbeidssenter

Vi er på jakt etter deg som vil bidra til ein meiningsfull og trygg kvardag på dagsenter og i bustad.Du vil jobba saman med ei flott personalgruppe som legg til rette for meistring og sjølvstende, meiningsfulle aktivitetar, sosialt fellesskap og helsefremjande tiltak.Om avdelinga:Rong arbeidssenter og Ternholmtunet bufellesskap ligg på Rong og gir tenester til personar med psykisk utviklingshemming og ulike bistandsbehov.
Vi treng no ein som kan arbeida fast på arbeidssenteret (dagvakter), og kvar 4. helg på Ternholmtunet bufellesskap.
Målet vårt er å bidra til at kvar bebuar har ein aktiv og meiningsfull kvardag, der trivsel, sjølvbestemming, tillit og meistring står i sentrum.
Vi er ein tverrfagleg personalgruppe med vernepleiarar, sjukepleiarar, helsefagarbeidarar, barne- og ungdomsarbeidarar og assistentar.Vi har no ledig ei 100 % fast stilling som miljøarbeidar. Årsturnus med hovudsakleg dagvakter og langvakter kvar 4. helg.

 

Arbeidsoppgåver:

• Ivareta bebuarens individuelle behov
• Leggja til rette for meiningsfulle aktivitetar
• Vera pådrivar for fagleg utvikling
• Oppgåver som primærkontakt
• Arbeid etter lov om helse- og omsorgstenester kapittel 9
• Planleggja, setja i verk og evaluera faglege tiltak som fremjar målretta miljøarbeid

Kvalifikasjonar:

Må ha:

• Autorisasjon Helsefagarbeidar, barne- og ungdomsarbeidar eller tilsvarande fagbrev
• Førarkort klasse B er nødvendig

 

Ønskjeleg med:

• Lang erfaring med brukargruppa
• Erfaring med miljøarbeid, helst frå bustad
• Gode norskkunnskapar, både skriftleg og munnleg
• Evne til å planleggja og organisera
• Erfaring med utfordrande åtferd
• Erfaring innan psykiatri, autisme og/eller demens
• Erfaring med MAP eller PAS
• Kreativitet
• Interesse for song og musikk
• Interesse for handarbeid

Personlege eigenskapar:

• Fleksibel og løysingsorientert
• Kreativ og interessert i skapande aktivitetar
• Evne til å arbeida målretta og strukturert, både sjølvstendig og i team
• Respekt og engasjement for brukargruppa
• Taklar hektiske og utfordrande situasjonar
• Ein god lagspelar som bidreg til godt arbeidsmiljø
• Personleg eignaheit vert sterkt vektlagt

Anna:

• Godkjent politiattest må leggjast fram før tilsetjing

Vi tilbyr:

• Gode pensjons- og forsikringsordningar
• Ein spennande arbeidsplass med godt arbeidsmiljø
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling
• Vi tilbyr startlån for å rekruttere og behalde helsepersonell. Sjå kommunens heimeside for meir informasjon om Startlån 

Kontakt:

Åshild Erstad Hagen, avdelingsleiar: 909 43 934 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.

Øygarden kommune er den nest største kommunen i Vestland fylke med om lag 39 850 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong, Ågotnes og i Skogsskiftet.
Administrasjonsspråket i Øygarden er nynorsk.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.