Fast stilling som vernepleiar i nyoppstarta bufellesskap

Nyoppstarta burettslag

Me søkjer etter 4 engasjerte vernepleiarar til eit nytt burettslag med planlagd oppstart mars/april 2026. 

Som tilsett vil du få ein unik moglegheit til å vera med frå starten av eit nytt tiltak, og aktivt bidra til å forma arbeidsmiljø, faglege rutinar og tenestetilbodet for tenestemottakarane. Dette er ei spennande stilling for deg som ønskjer å vera med og byggja gode, trygge og framtidsretta tenester. Burettslaget er lokalisert på Frekhaug. Stillingane er knytt til turnus med både langvakter og kortvakter, med arbeid kvar 4. helg i langvakter.

Burettslaget skal vera heimen til 8 vaksne personar med ulike behov for bistand og oppfølging i kvardagen, og vil ha behov for individuelt tilpassa støtte og oppfølging, mellom anna knytt til:

• miljøterapeutisk oppfølging
• rettleiing i daglege gjeremål og meistring av eige liv
• sosial deltaking, kommunikasjon og struktur i kvardagen
• helse- og omsorgstenester etter individuelle vedtak

Om stillingane

Som vernepleiar vil du få ta del i utviklingsarbeid, systemarbeid samt vere sentral i tenesteytinga.

Du må trivast med å arbeida strukturert og variert, samt ha evne til å halde hovudet kaldt og vere løysingsorientert når det oppstår uforutsette situasjonar. Me søkjer deg som likar ansvar, er fagleg engasjert og tek utfordringar på strak arm. Saman har me som mål å levere gode tenester til tenestebrukerne og skape ein god arbeidsplass.

Oppstart på stillingane er er etter avtale. 

Arbeidsoppgåver

• Planleggje og tilretteleggje for gode, individuelle tenester etter den einskilde sitt vedtak og behov
• Arbeide målretta med miljøterapeutiske tiltak
• Sikre forsvarleg dokumentasjon og evaluering av tiltak i samsvar med gjeldande faglege og juridiske rammer
• Ivareta primærkontaktoppgåver
• Rettleiing og opplæring av kollegaer og studentar
• Bidra til sjølvbestemming, utvikling og meistring hos tenestemottakarane
• Leggje til rette for godt samarbeid med pårørande, kollegaer og andre fagpersonar
• Bidra til eit godt omdømme, arbeidsmiljø og fagleg utvikling i personalgruppa
• Følgje gjeldande rutinar for legemiddelhåndtering
• Sikre at tiltak i tråd med helse- og omsorgstenestelova kapittel 9 vert ivaretekne på ein trygg og fagleg forsvarleg måte
• Utføre andre oppgåver delegert frå leiar

Kompetanse

• Godkjent utdanning og autorisasjon som vernepleiar.
• Sjukepleiar med relevant erfaring kan og bli vurdert.
• Erfaring med arbeid innan habilitering og miljøarbeid i bufellesskap.
• Førarkort 
• Gode norskkunnskapar, både munnleg og skriftleg
• Trygg på bruk av digitale verktøy og dokumentasjonssystem

Vidare søkjer me deg som har:

• Kjennskap til og gjerne kompetanse i å utforme og gjennomføre vedtak etter kapitel 9 jf. Helse- og omsorgslova
• God forståing for tryggleik, struktur og omsorg 

Personleg eignaheit vert vektlagt - me ser etter deg som er trygg, roleg og engasjert

Kven er du?

Du er ein fagleg trygg og engasjert vernepleiar med gode evne til å møte tenestemottakarane med respekt, varme og struktur. Du har erfaring med å jobbe med menneske som har autisme, funksjonsvariasjonar, ulikt bistandsbehov, åtferd som utfordrar - og du trivst med å vere ein viktig fagperson i kvardagen deira. Du må ha evne til å stå stødig i krevjande situasjonar og bidra til ro og tryggleik. Du ser moglegheiter der andre ser utfordringar og kan reflektera etisk og fagleg. Du kan jobbe sjølvstendig, men også i eit samarbeid.

Me ønskjer eit mangfald i personalgruppa og oppmodar menn til å søkje. 
Personleg eignaheit vert vektlagt - me ser etter deg som har hjartet på rett stad og ønskjer å gjere ein forskjell.

Me tilbyr

• Ein dynamisk og spanande arbeidskvardag, der du får brukt vernepleiaren i deg!
• Oppfølging og rettleiing
• Årsturnus med moghegheit for innspel på arbeidstid
• Vernepleiarar ligg 9000 over tariff i Alver kommune
• Årsturnus med  langvakter og arbeid 4.kvar helg
• Løn i samsvar med lov og avtaleverk
• Gode forsikrings- og pensjonsordningar

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me er Alver

Me får vere der frå aller fyrste stund, og vi får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også koordinatorar for Individuell Plan. 

Habiliteringstenester i Alver kommune gjev tenester til personar med nedsett funksjonevne/utviklingshemming. Tenestene vert gitt i den einskilde sin heim, ved arbeids- og aktivitetsenter, og som ulike former for avlasting for familiar med born/unge med omfattande behov for omsorg.Inn under habiliteringstenestene finn ein også støttekontaktteneste og koordinatorar for Individuell Plan.