Vertskap - Publikumsservice

Vi er no på leit etter fleire dyktige medarbeidarar i deltidsstillingar!

I Det Norske Teatret gjer vi alt vi kan for å gje publikum og kundar ei så god oppleving som mogleg. Vi er særs opptekne av å ta vare på alle som kjem til teateret, på best mogleg vis. I avdelinga for publikumsservice har vi mange flinke og serviceorienterte medarbeidarar som tek imot publikum og gjer besøket i teateret trygt og hyggeleg.

Dine hovudoppgåver vil vere:

·       Sørgje for at publikum får ei førsteklasses oppleving på teateret.

·       Ivareta beredskap og helse, miljø og tryggleik (HMT) overfor publikum

·       Vere tilgjengeleg for publikum i foajéområdet.

·       Inn- og utslepp av publikum ved framsyningar

·       Vere tilgjengeleg i salen under framsyningar

·       Hjelpe til ved evakuering og uføresette hendingar

·       Vere arrangementsvertskap for kundar som leiger lokale i teateret

·       Sal av program og varer frå butikken.

Vi ønskjer at du:

·       Har erfaring frå liknande arbeid og likar å yte service.

·       Har evna til å bevare roa i stressande situasjonar.

·       Har godt humør og bidreg positivt til arbeidsmiljøet.

·       Jobbar strukturert og målretta.

Andre relevante kvalifikasjonar kan kompensere for mindre erfaring på enkelte område.

Søkjarar må vere over 18 år.

Stillingane er deltidsstillingar på 20 %, med to skift i veka. Arbeidet går hovudsakleg føre seg på ettermiddag, kveld og i helgar.

Vi er òg på utkikk etter tilkallingsvikarar.

Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søke.

Søknadsfristen er 4. januar 2026, men søknader vil bli handsama fortløpande.