Vi søker ein engasjert kollega til teknologiteamet vårt

Vi søker ein engasjert og fagleg sterk IKT-konsulent til teamet vårt for nettverk og informasjonssikkerheit. Linja har store ambisjonar og eit viktig samfunnsoppdrag. Hos oss får du ein sentral rolle i å vidareutvikle, beskytte og drifte samfunnskritisk infrastruktur.

Vil du vere med og sikre og utvikle kritisk infrastruktur? Framtidas straumnett treng akkurat deg til dette!

LInja byggjer og driv straumnettet mellom fjordar og fjell frå Sunnfjord i sør til Trøndelag i nord. Det gjer det mogleg å bu, arbeide og drive eit nyskapande næringsliv her. Mange av stillingane vår har valfri opmøtestad. Det gjer livet litt meir fleksibelt for deg - vi kan finne gode løysingar for den rette kandidaten! Ålesund, Dragsund, Florø, Sandane eller Stryn er aktuelle lokasjonar. Linja er eit av dei største nettselskapa i landet. Vi er 287 tilsette, som inkluderer 19 lærlingar. Vi forsyner over 105 000 kundar med straum i nettområdet.

Arbeidsoppgåver

• Vidareutvikling og drift av kjernenett, aksess/kantnett og transmisjon

• Feilsøking og feilretting på kritisk nettverksinfrastruktur, både frå kontor og ute på stasjonar

• Oppfølging av leverandørar og samarbeidspartnarar, inkludert bestillarkompetanse og prosjektarbeid

• Bidra til design, kravspesifikasjon og implementering av nye kommunikasjonsløysingar

• Støtte i handtering av hendingar og sikkerheitsoppfølging innan både IT og OT

• Dokumentasjon og kontinuerleg forbetring av rutinar og prosessar

Dine kvalifikasjonar

• Utdanning innan IKT/nettverk/sikkerheit (bachelor, master eller tilsvarande)

• Relevant erfaring og kompetanse kan kompensere mangel på høgare utdanning.

• Minst 2–5 års erfaring med drift av større nettverksinfrastruktur, gjerne innan kritisk infrastruktur

• Kompetanse på MPLS, SD-WAN og/eller andre relevante kommunikasjonsteknologiar

• Erfaring med brannmurteknologi og sikkerheitsløysingar

• Kjennskap til fiber, radio, 4/5G eller andre transmisjonsmedium

• Interesse for informasjonssikkerheit og kritisk infrastruktur

• Evne til å arbeide sjølvstendig og i team

Vi tilbyr deg

• Arbeid med samfunnskritisk teknologi og bidra til sikker straumforsyning i eit stort geografisk område

• Moglegheit til å påverke og vidareutvikle selskapet si nettverks- og sikkerheitsinfrastruktur

• Spennande og varierte arbeidsoppgåver og tett samarbeid med dyktige kollegaer og eksterne partnarar

• Gode moglegheiter for fagleg utvikling og kompetansebygging

• Konkurransedyktig løn, attraktive pensjons- forsikrings- og velferdsordningar

• Fleksible ordningar for arbeidstid og heimekontorordning

Morgendagens samfunn krev både meir, og stadig sterkare nett. I denne stillinga vil du vere ei viktig brikke for ei meir berekraftig framtid. Bli med på denne reisa, vi gler oss til å motta søknaden din!

Vi gjennomfører bakgrunnssjekk for å blant anna verifisere opplysningar i CV og anna tilgjengeleg dokumentasjon. Bakgrunnssjekken blir gjennomført av Semac AS etter at kandidat er orientert om og har godkjent dette.

Linja er eit av dei største nettselskapa i landet. Vi er 287 tilsette, som inkluderer 19 lærlingar. Vi forsyner over 105 000 kundar med straum i nettområdet vårt.