Har du interesse for dokumentasjonsforvalting og kunstig intelligens? 

Om stillinga og avdelinga

Vi søkjer ein engasjert og lærevillig førstekonsulent innan dokumentasjonsforvaltning til vårt kontor i Bergen. Er du opptatt av gode arbeidsprosessar, digitalisering og moglegheitene innan kunstig intelligens? Då vil vi gjerne høyre frå deg!

Avdeling for informasjons- og dokumentasjonsforvalting har i dag 13 faste tilsette, fordelt på kontor i Bergen og Oslo. Avdelinga har ansvaret for å legge til rette for ei heilheitleg informasjonsforvalting, og at direktoratet følgjer lover og reglar innan dokumentasjonsforvalting. Fagområda er i stor utvikling, og vi treng ein førstekonsulent som kan sjå moglegheiter for standardisering og automatisering av arbeidsprosessar, og bruken av kunstig intelligens (KI).   

Arbeidsoppgåvene vil vere

• Postmottak, journalføring og kvalitetskontroll
• Handsaming av innsyn og offentleg journal
• Opplæring, støtte og rådgjeving til sakshandsamarar
• Vedlikehald og vidareutvikling av prosedyrar og rettleiingar for saksbehandling og arkiv
• Arbeid med dokumentasjonsplan, internkontroll og automatisering av arbeidsprosessar ved hjelp av KI
• Deltaking i arkivfaglege prosjekt 

Kva kvalifikasjonar treng vi?

Du må ha:

• høgare utdanning på minimum bachelornivå innan relevante fagområde. Vi oppmodar nyutdanna til å søkje.
• god munnleg og skriftleg framstillingsevne på norsk 

Det er i tillegg eit føremon om du har:

• erfaring med M365 og  sak- og arkivsystem, fortrinnsvis Public 360
• erfaring innan dokumentasjonsforvaltning i offentleg verksemd
• interesse for prosessforbedring og bruk av KI
• kjennskap til relevant lov- og regelverk 

Vi ønskjer at du:

• er fleksibel og omstillingsdyktig
• har gode evner til å samarbeide og kommunisere internt i avdelinga og direktoratet
• arbeider strukturert og nøyaktig  
• er løysingsorientert og ser etter nye moglegheiter 

Hos oss får du:

• eit uformelt og godt fag- og arbeidsmiljø 
• høve til kompetanseheving fagleg utvikling 
• fleksibel arbeidstidsordning og høve for å jobbe heimanfrå delar av arbeidstida 
• høve til trening i arbeidstida med inntil to timar i veka 
• medlemskap i Statens pensjonskasse, med gode pensjons- og låneordningar 

Lønsvilkår

• lønsplassering etter kompetanse som førstekonsulent, med ei årsløn på mellom 
  kroner 520 000 og 600 000
• to prosent trekk til lovfesta innskot i Statens pensjonskasse

Inkluderande arbeidsliv og mangfald

I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.

Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på arbeidsgjevarportalen (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten). Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar. 

Offentleg søkjarliste

Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand. 

Søknad og CV

For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante vitnemål og attestar. Vi oppmodar deg om å gje tilgang til vitnemålsportalen. 

Kontaktperson

Namn: Henriette Olderøy

e-post: henrietter.olderoey@hkdir.no

telefon: +47 400 66 106

Direktoratet for høgre utdanning og kompetanse (HK-dir) har eit samla, nasjonalt ansvar for forvaltingsoppgåver innan høgre utdanning, høgre yrkesfagleg utdanning og kompetansepolitikk. Vi er fagleg rådgjevar for Kunnskapsdepartementet, set i verk politikken og samordnar verkemidla. Direktoratet skal bidra til å utvikle kvaliteten i utdanning og opplæring, styrkje det internasjonale samarbeidet og bidra til digital omstilling av universitet og høgskolar.

Vi jobbar for å løfte kompetansen i befolkninga, gjere utdanning og opplæring av høg kvalitet tilgjengeleg for alle heile livet, og sikre arbeidslivet tilgang på kompetent arbeidskraft.

Les meir om HK-dir her

Vi har kontor i Bergen, Oslo, Tromsø og Trondheim.