Spesialkonsulent

Vestland fylkeskommune har ansvar for å utvikle regionen Vestland fylke, og har mange ulike ansvarsområde. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for verdiskaping, næringsutvikling, fritidsopplevingar, klima og kultur. Som del av eit nasjonalt og globalt samfunn har vi ansvar for å ta vare på fortida, notida og framtida i Vestland fylke. Fylkestinget er øvste politiske organ i fylkeskommunen.

Avdeling for Mobilitet - og kollektivtransport (MOK) har det overordna ansvaret for å ivareta og utvikle eit framtidsretta, miljøvenleg og effektivt mobilitets- og kollektivtilbod for innbyggjarane i Vestland fylke. Avdelinga har ledig ei fast stilling som Spesialkonsulent.

Hovudoppgåvene i stillinga er å sakshandsame saker innafor stabsoppgåver og løyveforvaltning. Løyveforvaltninginneber rådgjeving og sakshandsaming for løyve til drosje, buss og båt,samt bidra til gode løysingar i dei kommunane som har utfordringar med drosjetilbodet sitt. Stabsoppgåvene inneber blant anna juridisk rettleiing og personvern. Stillinga omfatter både generell og politisk sakshandsaming, samt handtering av henvendelser frå publikum.

Arbeidsoppgåver

• Sakshandsame saker innanfor stabsoppgåver og løyveforvaltning

• Kontaktperson mot juridisk avdeling

• Personvernkoordinator

• Kontakt med eksterne samarbeidspartar og publikum

• Skrive politiske saker og høyringar

Kvalifikasjonar

• Vi treng deg som har høgare utdanning på bachelornivå innan administrative fag eller tilsvarande. Kvalifiserte søkjarar utan bachelorgrad, men med høg relevant realkompetanse, kan og bli vurderte. Då vil stillingstittel bli justert i samsvar med kvalifikasjonar

• Juridisk kompetanse

• God digital kompetanse

• God framstillingsevne på norsk både skriftleg og munnleg

Det er ikkje eit krav, men ein fordel om du har:

• Kjennskap til forvaltningslova, yrkestransportregelverket og personopplysningslova

• Erfaring med offentleg forvaltning og utøvande mynde

Personlege eigenskapar

Vi ser etter ein medarbeidar som kjenner seg igjen i våre verdier som er open, modig og kompetent. I tillegg har vår framtidige nye kollega følgjande personlege eigenskapar:

• Gode samarbeidsevner

• Er initiativrik og sjølvstendig

• Evne til å halde deg orientert i fagområde, som er i rask utvikling

• Trivst i eit hektisk miljø

• Strukturert

Vi tilbyr

Ei fagleg utfordrande og spennande stilling, med stor samfunnspåverknad.

Hos oss får du:

• Eit engasjert og utviklingsorientert arbeidsmiljø med gode kollegaer

• Moglegheit for fagleg utvikling

• Fleksibel arbeidstidsordning med moglegheit for delvis heimekontor

• Lønn etter avtale

• Gode offentlege pensjons- og forsikringsvilkår
  

Andre opplysningar

• Administrasjonsmålet i Vestland fylkeskommune er nynorsk

• Alle nye tilsettingar vert gjort med ei prøvetid på 6 månader

• Vi gjer merksam på at i følgje offentleglova § 25,2.ledd kan opplysningar om søkjaren verte offentleggjort, sjølv om søkjaren har oppmoda om ikkje å bli ført opp på offentleg søkjarliste. Søkjar som har bedt om unntak, vil alltid bli varsla på førehand dersom søkjarlista vert offentleggjort.

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.