Forsknings- og utdanningssjef

Vil du stå i spissen for forsking og utdanning i eitt av Noregs mest nytenkjande helseføretak?

Helse Møre og Romsdal HF har dei siste åra styrkt satsinga på forsking og utdanning, og er no blant dei største forskingsmiljøa i fylket. Med over 60 tilsette med doktorgrad, over 40 PhD-kandidatar og eit veksande miljø av dedikerte forskarar og akademikarar i faste stillingar, er vi blant dei leiande helseføretaka i landet innan klinisk, pasientnær forsking – utanom universitetssjukehusa. Vi driv eigne studiar og deltek i nasjonale og internasjonale forskingsnettverk, og har eigne forskingspostar både i Ålesund og på Hjelset. Vi satsar òg tungt på innovasjon og nye teknologiske løysingar i heile føretaket.

Vi søkjer no ein tydeleg, strategisk og nytenkjande leiar til den nyoppretta Seksjon for forsking og utdanning (SFU) – ei samanslåing av dei tidlegare seksjonane for forsking, kliniske studiar og utdanning. Seksjonen ligg i Fagavdelinga under administrerande direktør, og har ansvar for å vidareutvikle forsking, utdanning og innovasjon i tråd med vårt oppdrag og den strategiske handlingsplanen vår. Arbeidet skjer i tett samarbeid med både interne fagmiljø og eksterne aktørar som universitets- og høgskulesektoren, kommunehelsetenesta og næringslivet.

Sjå meir om området vårt her

Arbeidsoppgåver

Som sjef for SFU får du resultat-, fag-, personal- og budsjettansvar innan ditt område.

Du vil:

• Leie seksjonen og bidra strategisk inn i fagavdelinga og føretaksleiinga.
• Vidareutvikle forsking, utdanning og innovasjon på tvers av heile helseføretaket.
• Leie DAC-gruppa og forskings- og innovasjonsutvalet.
• Byggje og styrkje forskingsmiljø som kan hevde seg nasjonalt og internasjonalt.
• Fremje ekstern forskingsfinansiering og samarbeid med UH-sektor, kommunehelseteneste og næringsliv.
• Leie arbeidet med utdanning og kompetanseheving i føretaket.
• Koordinere utdanning med institusjonane vi samarbeider med, og vere ei nøkkelrolle for LIS-utdanning og praksisplassar – inkludert dei nyoppretta plassane for medisinstudentar gjennom NTNU Link

Det vil bli tilrettelagt for relevant bistilling ved universitet eller høgskule, og for moglegheit til å drive aktiv forsking.

Kvalifikasjonar

• Minimum PhD-grad, helst med betydeleg forskingserfaring eller professorkompetanse
• Både formell og reell kompetanse i forskingsleiing vil bli vektlagt
• Det er ein fordel med helsefagleg bakgrunn
• God kjennskap til spesialisthelsetenesta, kommunehelsetenesta og/eller universitet- og høgskulesektoren på ulike nivå
• Leiarerfaring er ein fordel
• Interesse for innovasjon og utvikling av helsetenester

Personlege eigenskapar

• Målretta og strukturert
• Handlekraftig og løysingsorientert
• Ta initiativ og arbeide sjølvstendig
• Gode samarbeidsevner og evne til å motivere og oppnå resultat gjennom andre
• Gode engelskkunnskapar og beherske godt norsk språk, munnleg og skriftleg
• God forståing for prosjektleiing, prosesstenking og det å jobbe strategisk
• Stor arbeidsevne
• Fleksibilitet og endringsvilje

Vi tilbyr

• Sterkt tverrfagleg samarbeid
• Spannande og varierte arbeidsoppgåver
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår
• Arbeidstad avtalast. Vi kan og tilrettelegge for pendling, men ein må pårekne hyppig oppmøte ved administrasjonen i Ålesund. Tilsetting kan skje etter avtale

Vi ønsker leiarar som er synlege, ansvarlege og som forstår at teamarbeid er avgjerande for å lykkast med samfunnsoppdraget. Som leiar må du engasjere og lede an i utviklinga av kultur og identitet i helseføretaket. Vi treng deg som kommuniserer godt, tar ansvar og beslutningar, og som har handlekraft til å drive fram konkrete forbetringar saman med teamet ditt. Vi gir deg opplæring på veien, tilgang på styringsinformasjon og tilbod om utvikling gjennom leiargruppa di - slik at du får utvikle deg som leiar i samsvar med dine eigne og helseføretaket sine forventingar. Tek du utfordringa?

For meir informasjon om helseforetaket, sjå Helse Møre og Romsdal