Ledig vikariat som kyrkjelydspedagog

• Ååååå!! Dette var kjekt! Kan me ha Tårnagenthelg neste helg også?

• Når kan me ta fram soveposane og godteriet? Det skal bli gøy å overnatte i kyrkja!

• Kan me få lov å gå opp på preikestolen å sjå også? Yes!

• Det er eigentleg ganske gøy å vera konfirmant faktisk!

Dette er kommentarar du kan komme til å høyre i vikariatet ditt som kyrkjelydspedagog i kyrkjene på Bømlo.


I dei fire kyrkjelydane i Bømlo er det ledig:
- 50% - 100% vikariat som kyrkjelydspedagog frå «så snart som råd» til 1.7.2027 (kan bli forlenga)

Som tilsett i Bømlo kyrkjeleg fellesråd får du:

• Interessante utfordringar

• Utgjere ein forskjell for barn og unge i møte med kyrkja

• Høve til fagleg og personleg utvikling gjennom samspel med dei andre tilsette

• Bli ein del av eit godt og inkluderande arbeidsmiljø fylt med oppmuntring, glede og humor

• Høg grad av fleksibilitet både når det gjeld di eiga arbeidstid og dine arbeidsoppgåver

• Tariffløn og god pensjons- og forsikringsordningar

Arbeidsoppgåver:

• Planlegge og gjennomføre aktivitet innfor kyrkjeleg undervisning og læring for barn og unge

• Administrasjon, planlegging og gjennomføring av konfirmantarbeidet

Dette vert vektlagt:

• 3-årig høgskuleutdanning innanfor faga kristendom, pedagogikk, trus- og livssynskunnskap (andre med anna relevant utdanning/bakgrunn vil bli vurdert)

• Personlege eigenskapar, samarbeidsevner og fleksibilitet

Me søkjer deg med:

• Gode kommunikasjons- og formidlingsevner i møte med barn og unge.

• Erfaring med og interesse for barne- og ungdomsarbeid.

• Evne til å motivere, inspirere og koordinere frivillige medarbeidarar.

• Normalt gode dataferdigheiter

Høve til å disponera eigen bil.

Politiattest og medlemskap i Den norske kyrkja er ein føresetnad.