Medierådgjevar – Salsorientert og kundedriven

Vikariat – 1 år | Stord

Vi søkjer ein offensiv medierådgjevar som brenn for sal og gode kundeløysingar! Du tek initiativ, bygger relasjonar og trivst med å skape resultat. Hovudoppgåva di blir å selje annonser og utvikle smarte, kommersielle løysingar for både nye og eksisterande kundar. Innhaldsproduksjon inngår ved behov.

Arbeidsoppgåver

• Aktivt sal av annonser og kommersielle løysingar til nye og eksisterande kundar
• Proaktiv kundedialog gjennom møtebooking, kundemøte og tett oppfølging
• Rådgjeving basert på innsikt, behovsanalyse og gode medietilbod
• Utarbeiding av løysingsforslag, presentasjonar og salspakkar
• Bidra med enklare innhaldsproduksjon (tekst/bilete) til innhaldsannonsar ved behov
• Oppfølging og evaluering av kampanjar

Kven er du?

• Du har eit sterkt salsfokus og trivst med mål, resultat og høgt tempo
• Du er trygg i møte med kundar og god til å byggje relasjonar
• Du har kommersiell teft og evne til å forstå kva kundane treng
• Du arbeider sjølvstendig, strukturert og finn løysingar der andre ser utfordringar
• Erfaring frå sal, marknadsføring eller mediebransjen er ein stor fordel
• Gode skriveevner og interesse for innhald er ønskjeleg, men hovudfokuset ditt er sal

Vi tilbyr

• Ei rolle der du får stort ansvar, mykje kundekontakt og rom for å lykkast
• Moglegheit til å jobbe med sterke lokale merkevarer og eit breitt produktunivers
• Eit inkluderande og engasjert arbeidsmiljø
• Konkurransedyktige vilkår

Arbeidsstad: Stord

Søknadsfrist: 07.01.2025