ØyVAR søker nye medarbeidarar på gjenbruksstasjon

Om stillinga
Til våre gjenbruksstasjonar på Straume og Skogsvåg søker vi serviceinnstilte og ansvarlege driftsarbeidarar/kunderettleiarar. Vi ser etter deg som er oppteken av klima, gjenbruk og materialgjenvinning, og som ønskjer å arbeide i ein framtidsretta bransje der du bidreg til eit meir berekraftig lokalsamfunn. Du vil både bruke kroppen, hovudet og hjartet – og du må trivst med å jobbe utandørs i all slags ver.

Er du nysgjerrig og lærevillig, lærer du raskt arbeidsoppgåvene hos oss  - vi gir god opplæring og sørgjer for at du blir trygg i rolla. Vi har ledige faste deltidsstillingar (10-40 %) samt behov for tilkallingsvikarar, og vi ser gjerne at dei som blir tilsett i deltidsstillingar også kan inngå avtalar om tilkallingsvikariat ved behov.

Arbeidsoppgåver

• Møte kundar på ein imøtekommande, positiv og rettleiande måte

• Gje fagleg rettleiing om sortering og levering av avfall

• Sikre effektiv og trygg drift av gjenbruksstasjonen i tråd med gjeldande instruksar

• Ta imot betaling

• Klargjere stasjon og maskinar før og etter drift

• Bidra til orden og reinhald på området

Kven rapporterer stillinga til?

Stillinga rapporterer til fagsjef for renovasjon.

Kvalifikasjonar

Må-krav:

• Norskferdigheter minimum på nivå A2

• Interesse for avfallssortering og gjenbruk

• Serviceinnstilt og evne til å arbeide sjølvstendig

Ønskjelege kvalifikasjonar:

• Erfaring frå kundebehandling eller serviceyrke

• Erfaring med drift eller bruk av maskinar, teknisk utstyr og teknologi

• Fleirspråklege ferdigheiter

• Trucksertifikat (T1–T4) og/eller maskinførarbevis

• Erfaring frå gjenvinningsbransjen eller liknande

• Kompetanse i farleg avfallshandtering er ønskjeleg men ikkje eit krav

Personlege eigenskapar

Vi ser etter deg som:

• møter folk med eit smil og finn løysningar

• er ansvarleg, nysgjerrig og lærevillig

• har gode kommunikasjonsevner

• er praktisk anlagt og trivst med fysisk arbeid

• trivst i ei sosialt og hektisk arbeidsmiljø og samarbeider godt med andre

• har god ordenssans og held orden på arbeidsplassen

Arbeidstid og stillingsprosent

Arbeidet er i hovudsak knytt til kveldsvakter og laurdagar. For å oppnå stillingsprosenten på 10-40 %, må du kunne arbeide utvida vakter i feriar – normalt om lag 6-8 veker per år.  Arbeidsplan blir avtalt i god tid.

Øygarden kommune har skilt ut alle tenester knytt til vatn, avløp og renovasjon i eit eige aksjeselskap, ØyVAR AS. ØyVAR betener nær 40 000 innbyggjarar og står stadig overfor spennande utfordringar i VAR-sektoren. I gjenbruksstasjonane våre spelar kunderettleiarane ei sentral rolle i møte med innbyggjarane – der gjenbruk, rett avfallshandtering og gode kundeopplevingar står i fokus.