Sjukepleiar/Operasjonssjukepleiar

Sogn og Fjordane Synskirurgi søker ein engasjert og dyktig sjukepleiar som ønsker opplæring og fagleg utvikling innan augekirurgi. Hos oss får du ta del av eit erfarent team med pasienttryggleik, kvalitet og omsorg i fokus.

Vi ser etter deg som:

• Er utdanna sjukepleiar eller operasjonssjukepleiar

• Har gyldig autorisasjon

• Er nøyaktig, strukturert og har evne til å halde fokus

• Har godt humør, er samarbeidsvillig og viser omsorg for kvar enkelt pasient

Arbeidsoppgåver:

• Assistere ved grå stær-operasjonar og anna augekirurgi i samarbeid med vårt erfarne kirurgteam

• Bemanne steriliseringsområde og assistere kirurg under augekirurgiske inngep med sterile instrument og utstyr

• Forberede pasientar før operasjon, og gjennomføre utsjekk av pasientar etter operasjon

• Klargjere operasjonsstove og utføre enkelte preoperative prosedyrer

• Bidra med administrative oppgåver i samarbeid med kirurg og leiing

• Sikre pasienttryggleik før, under og etter kirurgi - og bidra til at pasientar og pårørande får ein positiv og trygg opplevelse hos oss

Vi tilbyr:

• Fleksibel arbeidstid med gode avspaseringsmoglegheiter

• Konkurransedyktig løn

• Moglegheit for fagleg utvikling og vidare opplæring

• Moderne operasjonslokale med avansert utstyr

• Eit godt arbeidsmiljø med fokus på samarbeid og trivsel

• Stillingsprosent 50%, med moglegheit for utviding på sikt

Sogn og Fjordane Synskirurgi held til i moderne lokaler midt i Sandane sentrum, i Gloppen kommune. I snart 20 år har vi tilbydd synskirurgi innan excimer-laser, refraktiv linseskift, grå stær og augelokskirurgi. Kvart år gjennomfører vi over 1000 inngrep, og vi strevar alltid etter å tilby det beste innan diagnostikk og augebehandling. Våre pasientar kjem frå heile regionen Vestland og Møre og Romsdal.

Teamet vårt består av fem erfarne kirurgar, optiker, pedagog, sjukepleiar og medisinstudent. Vår visjon er trygg og moderne augebehandling - der alle pasientar skal bli møtt med eit smil, omsorg og respekt.