Ford Transit Connect

Selger ein Ford Transit Connect 2013-modell av typen heimesnekra campervan, med isolasjon, vifte i taket, solcellepanel, ekstra batteri og dieselvarmar. Kjøpte bilen i samband med studentutveksling i Nord-Italia, og selger bilen i samband med at utvekslingsopphaldet er over. Bilen har vore heilt super til alt frå navigering i trange italienske gater til adkomst til diverse fjell og fjellpass. Veldig praktisk storleik på bilen, den glir inn overalt, men er samstundes stor nok til å bu komfortabelt i. Takka vere dieselvarmar og isolasjon er temperaturar under 10 minus uproblematisk, medan takvifta gjer det leveleg på varme sommardagar.

Bilen er innreda med seng som kan fellast inn til sofa, eit lite kjøkkenskap og skap til kjøleboks som går på 12-volt. Det er også montert eit ekstra 12-voltsbatteri som ladast av både solcellepanel og under køyring. Det er formsydde gardiner med innsydde magnetar til alle vindauge bak, og i mitt eige er det montert diverse knaggar samt borrelås for å feste tjukke ulltepper for ekstra isolasjon ved kalde forhold.

I mitt eige er det bytta dynamo, clutch og tilknytta utløysarlager, samt bremseslange og bremserør framme til venstre. Det er også montert to nye piggfrie vinterdekk (framme). Hausten 2025 vart det skifta motorolje og -filter, samt dieselfilter, luftfilter og kupéfilter. Den gong vart også startbatteriet bytta. Motorlampa lyser, men ved feilsøking i februar vart det konkludert med at dette stamma frå defekt luftsensor.

Bilen er eit supert utgangspunkt for ski, sykkel, tur og bilferie. Bilen selgast som den er, gitt alder og kilometerstand. Bilen er i dagleg bruk, så kilometerstanden vil auke noko.

Service (oppgitt av førre eigar): 04.06.13, 20 km 16.09.14, 20 043 km 31.08.15, 37 131 km 29.08.16, 50 100 km 08.12.17, 67 868 km 15.03.21, 106 736 km 30.09.22, 131 878 km 05.09.25, 157 056 km