Assistentstilling ved Regional sikkerheitsavdeling

Klinikk for sikkerheitspsykiatri er ein klinikk i psykiatrisk divisjon ved Haukeland universitetssjukehus. Klinikken har 2 sengepostar, ein Regional sikkerheitsavdeling og ein Lokal sikkerheitsavdeling.

Vår oppgåve er å gje behandling til alvorleg sinnslidande pasientar, som i tillegg treng høgt tryggleiksnivå for å verne samfunnet. Sentrale oppgåver er å vurdere og å handtere valdsrisiko og samstundes gi omsorg og behandling. Målet vårt er å gje pasientane anledning til auka meistring i ulike fasar av sin sjukdom, samstundes som vi tar omsyn til samfunnets trong til tryggleik.

Regional sikkerheitsavdeling har no ledig 5 faste 20% helgestillingar.

Arbeidsoppgåver

• Følge opp pasientar i henhald til behandlingsplan
• Bidra til å skape eit trygt postmiljø for både pasientar og personale
• Kunne gi omsorg, støtte og struktur for pasientar i ein vanskeleg livssituasjon
• Miljøterapeutisk arbeid

Kvalifikasjonar

• Ønskeleg med erfaring frå liknande type arbeid
• Gjerne student innan helsefagleg utdanning
• Evne til å jobbe både sjølvstendig og i team, vere strukturert
• Ansvarsbevisst, fleksibel og engasjert
• Stor arbeidskapasitet
• Meistre norsk godt, både skriftleg og munnleg
• Krev godkjent politiattest

Personlege eigenskapar

• Du er initiativrik, interessert og har respekt for den einskilde pasient
• Du er tilpassingsdyktig og taklar stressande situasjonar med ro og fagleg haldning
• Du trivast i eit aktivt og travelt miljø
• Du er ein god teamarbeidar og likar å jobbe tverrfagleg
• Du bidrar til eit godt arbeidsmiljø
• Du etterspør rettleiing

Vi tilbyr

• Grundig opplæring
• MAP kurs, møte med aggresjonsproblematikk
• Triveleg arbeidsmiljø
• Treningsrom for tilsette

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.