Er du medisinarstudent som ønskjer relevant arbeidserfaring i studietida? Vi har no ledige studentstillingar

Vi søkjer no etter medisinarstudentar som ønskjer å kombinere studie med relevant arbeid gjennom utdanninga. Stillinga er lagt opp etter ein karrieremodell på 4,5 til 6 år og inneheld arbeid einingar innan somatikk, rus og psykiatri. Rotasjon er basert på 1,5 - 2 år på kvar eining.

Treng du fleksibilitet for å kombinere studie med relevant arbeid gjennom heile utdanninga? Då er dette ein unik sjanse til å opparbeide seg kompetanse på tvers i Vestlandets leiande sjukehusmiljø.

Arbeidsoppgåver

• Arbeidsoppgåvene vil variere etter kva eining du er knytt til
• I somatikken vil arbeidsoppgåvene i hovudsak vere praktisk arbeid, pleie og oppfølging av pasientar
• I psykiatri og rus vil arbeidsoppgåvene i hovudsak vere pasientoppfølging med fokus på å skape gode relasjonar, og å motivere pasientar til å meistre problema sine på ein god måte
• Delta i det daglege miljøarbeidet med pasientar og praktiske oppgåver delegert frå ansvarshavande
• Stillinga inneber arbeid under ferieavvikling ved sjukehuset

Kvalifikasjonar

• Du må ha 400 timar pleieerfaring frå grunnleggjande stell/pleie
• Du må meistre norsk, både skriftleg og munnleg

Personlege eigenskapar

• Du har eit ønskje om allsidig erfaring innan forskjellige einingar
• Du er tilpassingsdyktig og finn deg til rette i ulike miljø
• Du har utvikla gode samarbeidsevner og bidrar til eit godt arbeidsmiljø
• Du taklar endringar i kvardagen og høgt tempo
• Du er fagleg dyktig og er interessert i å lære meir
• Du har ei vennleg og respektfull framferd med pasientane, og ønskjer å gjere det lille ekstra for at dei skal ha det bra

Vi tilbyr

• Du vil få tilsetjing i 22% fast stilling via Bemanningssenteret med arbeidsstad ved ulike einingar i føretaket
• 10 helgar i løpet av eitt år som blir planlagd saman med leiar i årsturnus
• Resterande timar er fleksible. (ca 20 timar kvar månad) og desse blir planlagde etter kvart i samarbeid mellom tilsett og leiar
• Det er rotasjon på ulike avdelingar
  

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.