Assisterande seksjonsleiar

Bli med på ei meiningsfull reise og gjer ein skilnad i livet til barn og ungdom!

BUP Sentrum er ein del av Klinikk psykisk helsevern for barn og unge (PBU); ein klinikk som tilbyr utgreiing og behandling av barn og unge opp til 18 år, både poliklinisk og ved innlegging i sengepostar. Klinikken har mellom anna sju allmenne poliklinikkar, ein spesialisert poliklinikk, tre sengepostar, og ambulante tenester. Nokre tilbod er organisert i tyngdepunkt, som gir tilbod på tvers av poliklinikkane.

BUP Sentrum er ein allmenn barne- og ungdomspsykiatrisk poliklinikk som held til på Strandkaien midt i Bergen sentrum. Vi har utsikt til Bryggen og Fløyen, og anløp av hurtigbåtane til Kleppestø, Frekhaug og Knarvik like utanfor døra. Det er kort avstand til buss-samband på Torget og til bybanestoppet i Byparken, og heile tilbodet til Bergen sentrum ligg i gåavstand fra poliklinikken. Med bakgrunn i stor auke i pågang blei lokala til poliklinikken utvida våren 2022 med sju nye behandlarkontor og nye møterom.

I BUP Sentrum sitt opptaksområde som omfattar bydelane Årstad og Bergenhus i Bergen kommune bur det omkring 12 000 barn og ungdom. Poliklinikken har om lag 35 tilsette, med ulik fagleg bakgrunn, og er inndelt i eit småbarnsteam og to generelle team. Vi er ein av tre poliklinikker som har klinikkovergripande tyngdepunkts-funksjonar for spiseforstyrringar, og vi har som einaste poliklinikk hatt tyngdepunktsfunksjon for sped- og småbarn.

Ettersom assisterande seksjonsleiar går over i seksjonsleiarstilling, lyser vi ut fast stilling som assisterande seksjonsleiar ved BUP Sentrum. For stillinga er det ønske om helse/sosialfagleg utdanning, og særs god meistring av norsk skriftleg og munnleg. Vedkommande som får tilbod om tilsetjing må legge fram tilfredstillande politiattest (vandel), jfr. Lov om helsepersonell §20a.

Arbeidsoppgåver

Den assisterande seksjonsleiaren skal hjelpe og avlaste seksjonsleiaren, og medverke til at seksjonen ivaretar sine forpliktingar og når sine mål. Som assisterande seksjonsleiar vil du få arbeidsoppgåver delegert frå seksjonsleiar, mellom anna:

• vere fungerande leiar ved seksjonsleiers fråvære
• ta initiativ til og delta i den faglige utviklinga av avdelinga
• bidra til utarbeidinga og oppfølginga av seksjonens interne drift og utvikling
• saman med seksjonsleier ha ansvar for å legge til rette for eit godt og lærande arbeidsmiljø
• medverke til at seksjonen sine totale ressursar blir utnytta til det beste for heile klinikken
• ha klinisk arbeide - etter nærare avtale
  

Kvalifikasjonar

• Norsk autorisasjon for yrke som krev autorisasjon
• Kunnskap og erfaring med arbeid i psykisk helsevern for barn og unge
• Leiarerfaring og leiarutdanning er ønskeleg, men ikkje påkravd
• Erfaring frå bruk av administrative IT-verktøy er ein fordel
• Gode IKT-kunnskapar
  

Personlege eigenskapar

• Fagleg sterk, engasjert og fleksibel
• Vere strukturert og målretta
• Gode kommunikasjons- og samarbeidsevnar, trivast i eit fleirfagleg miljø
• Vere opptatt av trivsel og arbeidsmiljø
• Sjølvstendig, men også god til å arbeide i team
• Opptatt av forbetring av tenestene
• Trivast med å arbeide i eit tverrfagleg miljø og meistrar høgt tempo
• Personlege eigenskapar vil bli tillagt stor vekt

Vi tilbyr

• Triveleg arbeidsmiljø
• Høgt fagleg nivå
• Fagleg og personleg utvikling
• Lønn etter avtale
• Moglegheit til å vere med å leie ei flott personalgruppe med mykje kunnskap og engasjement for pasientane
• Utfordrande og varierte arbeidsoppgåver

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.