Leiar for Økonomistyring ved Haukeland universitetssjukehus/Økonomisjef

Arbeidsgiver: Helse Bergen
Stillingstittel: Leiar for Økonomistyring ved Haukeland universitetssjukehus
Frist: 12.06.2023
Ansettelsesform: Fast

Bli kjent med Haukeland universitetssjukehus

Ønskjer du å leie arbeidet innan økonomistyring ved Haukeland universitetssjukehus?

Seksjon for økonomistyring skal arbeide for best mogleg ressursutnytting innanfor dei økonomiske rammene som er tilgjengeleg for føretaket. Dette inneber planlegging og budsjettering, løpande oppfølging og rapportering, analysar og utgreiingsarbeid. Det er om lag 30 controllarar og rådgjevarar knytt til seksjonen.

Vi er del av Økonomi- og finansavdelinga med om lag 80 tilsette, og er ei av føretaket sine stabsavdelingar. Økonomi- og finansavdelinga består av fagsenter for administrative system, lønns- og rekneskapsseksjon og seksjon for økonomistyring.

Vi søkjer no ein dyktig leiar som har eit stort engasjement for helse og økonomi

Vi søkjer deg som har solid økonomikompetanse og ønskjer å være ein god samarbeidspartnar for avdelingar og klinikkar på sjukehuset

Som leiar for økonomistyring rapporterer du til økonomi- og finansdirektør og du blir del av avdelinga si leiargruppe.

Arbeidsoppgåver

Leie økonomistyringa i føretaket
Leie seksjon for økonomistyring
Vere fagleg rådgjevar for økonomi- og finansdirektør
Samarbeide tett med andre einingar vedrørande utvikling av god økonomistyring, prosedyrar og analysar
Prosjektarbeid
Tett dialog med leiarane på sjukehuset for å ivareta god oppfølging mellom controllarane og leiinga
Deltaking i regionalt arbeid retta mot fagområdet
Saman med leiargruppa bidra til fortsatt vidareutvikling av heile avdelinga

Kvalifikasjonar

Høgare økonomisk utdanning frå universitet og høgskule
Leiarerfaring frå fagområdet er ønskjeleg
Erfaring med økonomistyring og analysearbeid frå større, komplekse verksemder
Erfaring med endringsleiing
Fordel med erfaring frå program- og prosjektleiing
God systemkompetanse

Personlege eigenskapar

Du er bevisst di rolle som leiar både fagleg og relasjonelt
Du er opptatt av videreutvikling og effektive løysingar
Du arbeider strukturert og målretta, med god gjennomføringsevne
Fagleg trygg og trivst med å formidle erfaring og kunnskap vidare
Trivst i samarbeid med andre, med eit overordna perspektiv til det beste for føretaket
Evne til å leie, motivere og inspirere medarbeidarane til å utvikle sine evner og kompetanse
Du kommuniserer godt med ulike personar og faggrupper

Vi tilbyr

Hyggelege kollegaer
Eit godt arbeidsmiljø
Ei spennande og utfordrande leiarstilling i eit levande kompetansemiljø
Gode forsikringsordningar og ei av landets beste pensjonsordningar

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Om arbeidsgiveren

Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Lederkategori: Leder
Sted: Haukelandsveien 22, 5009 Bergen
Bransje: Økonomi og regnskap,; Helse og omsorg
Stillingsfunksjon: Økonomi og regnskap,; Økonomi og regnskap / Økonomistyring og budsjettering,; Ledelse