Leiar digitale helsetenester

Helse Bergen, Haukeland universitetssjukehus vil auke tilbodet av gode digitale helsetenester. Vi vil at pasientar i større grad skal kunne få behandling og oppfølging der dei er, at dei kan ta større del i eiga behandling og få støtte til å meistre sjukdom og skade. For å lukkast med dette må sjukehuset tilpasse og endre måten vi tilbyr tenester på gjennom bruk av ny teknologi kombinert med nye metodar. Samstundes skal vi oppretthalde høg faglege kvalitet og tryggleik i pasientbehandlinga.  Våre medarbeidarar skal ha gode verktøy som forenklar og forbetrar arbeidskvardagen. Utvikling og bredding av digitale helsetenester skal skje i tett samarbeid med pasientar og pårørande, og fagmiljøa i sjukehuset.

Faggruppe for digitale helsetenester spreier kunnskap, bidrar til utviklinga og støttar einingane i sjukehuset med å ta i bruk nye løysingar. Gruppa er kontaktpunkt mot regionale og nasjonale initiativ for digitale helsetenester og digital samhandling. I tillegg har gruppa forvaltingsoppgåver knytt til digitale konsultasjonar og skjemaløysingar.

Faggruppa for digitale helsetenester ligg i Seksjon for e-helse som er organisert i Forskings- og utviklingsavdelinga, og har stor kontaktflate i sjukehuset.

Seksjon for e-helse har ledig stilling som leiar for digitale helsetenester.

Arbeidsoppgåver

Som leiar for Faggruppe digitale helsetenester i Helse Bergen vil du:

• Vere pådrivar for den faglege og strategiske utviklinga av digitale helsetenester i Helse Bergen
• Vidareutvikle faggruppe for digitale helsetenester og støtta til dei kliniske einingane
• Leie og utvikle det regionale nettverk for Digitale Helsetenester i Helse Vest i tett samarbeid med dei andre helseføretaka i regionen og Helse Vest IKT
• Ha oversikt over bruk av digitale helsetenester i sjukehuset, og dele kunnskap med leiinga og fagmiljøa
• Gje råd til leiarar og fagmiljø om korleis digitale helsetenester kan nyttast for god behandling og oppfølging av pasientar
• Vere pådrivar for auka deling og gjenbruk av gode løysingar/innovasjonar på tvers av helseføretaka, helseregionane og relevante næringar
• Bidra i nasjonale, regionale og lokale samarbeidsfora for digitale helsetenester

Kvalifikasjonar

• Høgare utdanning på høgskule- eller universitetsnivå
• Inngåande kjennskap til, interesse for og erfaring med digitale verktøy og korleis desse kan nyttast for å utvikle og forbetre helsetenestene
• Erfaring frå bruk av digitale helsetenester i klinisk praksis er ein fordel
• Erfaring frå leiing, leiing av faggrupper og/eller forbetringsarbeid i komplekse organisasjonar
• Erfaring frå forsking, evt. master- eller doktorgrad er ønskjeleg
• Helsefagleg bakgrunn eller erfaring frå helseteneste er ein fordel

Personlege eigenskapar

• Du har motivasjon og interesse for fagfeltet
• Du trivast med å sette retning og finne løysingar saman med andre
• Du har evne til å lytte og bidrar til eit godt fagleg miljø og arbeidsmiljø
• Gode munnlege og skiftlege kommunikasjonsferdigheiter, både overfor leiarnivået og mot fagsida
• Du er fleksibel og handterer høgt arbeidspress og tidsfristar

Vi tilbyr

• Ein spennande og utfordrande jobb
• Eit aktivt og triveleg arbeidsmiljø
• Eit meiningsfylt arbeid som gjev personleg utvikling
• Løn etter avtale

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.