Teamleiar Avdeling for rusmedisin, Heroinassistert behandling (HAB)
- Arbeidsgiver
- Helse Bergen
- Stillingstittel
- Teamleiar Avdeling for rusmedisin, Heroinassistert behandling (HAB)
- Frist
- 09.12.2020
- Ansettelsesform
- Fast
Avdeling for rusmedisin skal etablere eit prøveprosjekt med heroinassistert behandling (HAB). Vi søkjer leiar til å byggje opp og leie HAB som integrert del av legemiddelassistert rehabilitering (LAR) i prosjektperioden, som er åra 2021-2025.
Seksjon LAR har ansvaret for behandlinga til LAR-pasientane i Bergen og omegn. Seksjonen har poliklinikkar i kvar bydel i Bergen og eit eige team for pasientar i omegnskommunane. Heroinassistert behandling skal organiserast som eit eige team i seksjon LAR.
I heroinassistert behandling vert det tilbydd medisinsk framstilt heroin til ei målgruppe pasientar med opioidavhengigheit som ikkje har lukkast i ordinær LAR. Heroinet vert administrert ved intravenøse injeksjonar i klinikken to gonger dagleg, sju dagar kvar veke. Prøveprosjektet skal følgjast av forsking og det vil bli tett samarbeid med forskingsmiljøet i Avdeling for rusmedisin. Teamleiar vil få ei viktig rolle i samarbeidet, og har ansvar for å sikre innsamling av forskingsdata.
Som teamleiar for heroinassistert behandling er man del av leiargruppa i LAR og har seksjonsleiar i LAR som næraste leiar.
Teamleiar organiserer den daglege drifta og må dessutan pårekne å delta i det kliniske arbeidet etter behov. Sjukepleiarane i HAB skal sikre trygge injeksjonar og handtere eventuelle overdosar, vere pasientens primærbehandlar og koordinator i LAR, og samle inn data til forsking.
Teamleiar har delegert personalansvar og fagleg ansvar for sjukepleiarar og anna personale med treårig grunnutdanning. I teamet vil det òg vere lege og psykolog.
Teamleiar skal sikre tett samarbeid om pasientane med kommunale tjnester og fastlegar, samt med psykisk helsevern, andre LAR-team og andre seksjonar i Avdeling for rusmedisin etter behov. Teamleiar må meistre tverrfagleg arbeid og fagutvikling.
Arbeidsoppgåver
- Ansvar for å organisere den daglege drifta av Heroinassistert behandling (HAB)
- Bidra i utviklinga av det faglege innhaldet i behandlingn, herunder rutinar, opplæring av tilsette etc.
- Delegert personalansvar for sjukepleiarar og anna personell med treårig grunnutdanning
- Etablere og vedlikehalde eit godt arbeidsmiljø
- Sikre innsamling av data til forsking på HAB
- Ansvar for den systematiske samhandlinga om pasientar med kommunale tenester
- Ein blir del av leiargruppa i Avdeling for rusmedisin, LAR
Kvalifikasjonar
- Sjukepleiar
- Krav om norsk autorisasjon
- Erfaring med og kompetanse på LAR vil bli tillagt vekt
- Relevant erfaring som leiar vil bli tillagt vekt
- Erfaring med forsking er ein fordel
- Erfaring med injeksjonsbehandling og akuttbehandling ved overdosar er ein fordel
- Leiarutdanning vil telje positivt, det same vil fagleg relevant vidareutdanning
- Kunnskap om tverrfagleg spesialisert behandling (TSB) og andre delar av tenestetilbodet innan rus- og avhengigheit er ein fordel
- Gode norskkunnskapar, både munnleg og skriftleg
Personlege eigenskapar
- Evne til å leie medarbeidarar i oppfølging av ein pasientgruppe med stor sjukdomsbyrde og hjelpebehov
- Gode evner til samarbeid
- Evne til systematisk, konstruktiv samhandling med samarbeidspartnarar
- Interesse for helsetenesteutvikling og forsking
- Stor arbeidskapasitet
Vi tilbyr
- Ein spennande jobb i eit dynamisk og krevjande fagfelt
- Eit godt arbeidsmiljø
- Stadig nye utfordringar
- Moglegheit til å påverke utviklinga av heroinassistert behandling i Bergen
Om arbeidsgiveren
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.
- Sektor
- Offentlig
- Lederkategori
- Leder
- Sted
- Østre Murallmenning 7, 5012 Bergen
- Bransje
- Helse og omsorg
- Stillingsfunksjon
- Sykepleier,
- Sykepleier / Psykiatri,
- Ledelse
Nøkkelord
Teamleiar, Avdeling, for, rusmedisin,, Heroinassistert
Spørsmål om stillingen
- Kontaktperson
- Christian Ohldieck
- Stillingstittel
- Assisterande seksjonsleiar, AFR Legemiddelassistert rehabilitering (LAR)
- Telefon
- 47 31 84 19
Østre Murallmenning 7, 5012 Bergen