Er du trygg, tydeleg og framoverlena?

Me søkjer ein framoverlena leiar til Familiekontora for Sunnfjord og Sogn. Kontoret har til saman 15 medarbeidarar med høg kompetanse og stort fagleg engasjement. Familiekontora for Sunnfjord og Sogn har kontorstad i høvesvis Førde og Sogndal, med leiing og administrasjon i Førde. Kontora skal gi tilbod til alle kommunane i sitt lokalområde. Familievernet er ei lågterskelteneste med høg kompetanse.

Ved kontoret i Førde er det 6,5 terapeutstillingar og 0,8 kontorfagleg stilling. Avdelinga dekkjer kommunane Askvoll, Fjaler, Gulen, Hyllestad, Høyanger, den sørlege delen av Kinn (tidlegare Flora kommune), Solund og Sunnfjord. Ved kontoret i Sogndal er det 3 terapeutstillingar og 0,9 kontorfagleg stilling. Denne avdelinga dekkjer kommunane Aurland, Luster, Lærdal, Sogndal, Vik og Årdal.

Familievernet utfører lovpålagt mekling mellom foreldre, med formål om å hjelpa foreldre til å finna gode løysningar for barn etter samlivsbrot. Familievernet tilbyr også samtaleterapi og rettleiing. Familievernet møter par, einslege, likekjønna, minoritetar, LHBT og seksualitet. Det er viktig at leiar har ei open haldning til desse tema. Leiar vil få nødvendig opplæring, og det vert forventa at leiar raskt skaffar seg kunnskap og erfaring i tråd med kravet til  meklingsbevilling. Einingsleiar inngår i eit leiarfellesskap med andre familievernkontor i region vest. Du rapporterer i fullmaktsstrukturen til regiondirektør, men vert følgt opp i det daglege av avdelingsdirektør med ansvar for familieverntenesta og sentera for foreldre og barn. 

Di oppgåve er å medverka til å gjennomføra vårt samfunnsoppdrag med høg kvalitet, riktig hjelp til riktig tid og tilpassa det enkelte barn, ungdom og familie. Me ser alltid etter mogelegheiter for å gjera gode tenester betre. Du skal medverka til å sikra dei resultatkrava som vert stilte til ei kvar tid frå barne- ungdoms og familiedirektoratet. Dette er ei leiarstilling med krav til leveransar innan faglege resultat- og målkrav og til å sikra drift innan gjevne rammer, personaloppfølging og fagutvikling. 

Leiar har fagleg, administrativt og økonomisk ansvar for verksemda: 

• Utarbeida lokale planer med faglege mål og styringstiltak og å gjennomføra, evaluere og stå ansvarleg for kontoret sin leveranse på oppdrag innanfor gjeven ramme og i høve til regelverk 
• Økonomistyring og ansvar for utarbeidinga av eininga sitt budsjett 
• Personalansvar for terapeutar og kontorfagleg tilsette 
• Medverka til regional likedanning og til å oppnå mål saman med tilsette og utover eiga eining, saman med andre einingar 
• Fagleg samarbeid med andre instansar internt og eksternt 
• Synleggjering av familievernet sitt arbeid i befolkninga og overfor samarbeidspartnarar 

• Relevant utdanning frå høgskule eller universitet, leiarutdanning og leiarerfaring med gode resultat 
• Krav om forståing for kompleksiteten til tenesteområdet 
• Krav om god munnleg og skriftleg framstillingsevne i norsk og evne til å jobba effektivt med relevante dataverktøy 
• Ønskjeleg med tilleggskompetanse innan eit av familievernet sine område 
• Ønskjeleg med god kjennskap til statleg styring, og søkjar må vera fortruleg med rapportering, analyse og tiltak som vert følgt tett opp for å nå resultatkrav 
• Ønskjeleg med vidareutdanning i leiing og administrasjon og med familieterapi 
• Engasjement og toleranse for ulikheiter og mangfald er ein føresetnad 

Familiekontora for Sunnfjord og Sogn ønskjer ein engasjert, trygg og tydeleg leiar som likar å skapa resultat saman med sine medarbeidarar: 

• Sjølvstendig, stabil og proaktiv 
• Trygg og strukturert 
• Inkluderande, tolerant og motiverande 
• Evne til å styra og leia ei felles retning etter dei mål og føringar Bufdir og Bufetat til ei kvar tid set. Det vert stilt krav til dokumenterbar gjennomføringsevne 
• Likar utfordringar og å utfordre andre 
• Likar å oppnå resultat saman med dyktige tilsette 
• Å vera personleg eigna som leiar vil verta tillagt stor vekt 
• Den som vert tilsett, skal sikra at våre klientar mottek kvalitetssikra tenester og god service 

• Stillinga er plassert i statleg lønnsregulativ som kode 1493 leiar, med løn p.t. kr 627 700 - 765 100 pr. år (ltr 69 - 78). Løn og stillingskode vert vurdert etter utdanning og erfaring. Løn kan vurderast ved særlig kvalifiserte søkarar. 
• Deltaking på Bufetat si leiarskule 
• Faglege og spanande utfordringar i eit felt som er i endring 
• Høve til å forme rutinar og arbeid i ein dynamisk eining 
• Medlemskap i Statens pensjonskasse jf. lov om Statens pensjonskasse, som inneber ei god tenestepensjonsordning, tilbod om bustadlån til konkurransedyktige vilkår, samt yrkesskade- og gruppelivsforsikring 
• Ei leiarstilling med mogelegheit til å medverka til utvikling av tenestetilbodet og som gjev stort handlingsrom innanfor rammene

•  Inkludering og mangfald er ein styrke og gjer at vi kan løyse oppgåvene våre enno betre. Vi ønskjer oss derfor medarbeidarar med ulik kompetanse, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppfordrar vi deg som søkjer til å krysse av i jobbsøkjarportalen. Er det kvalifiserte søkjarar, kallar vi inn minst ein i kvar gruppe til intervju, og får du jobben, legg vi til rette for deg om du treng det. Utanom å velje ut rett kandidat bruker vi ikkje avkryssingane til noko anna enn anonymisert statistikk.
• Stillinga er for tida lagt til Familiekontora for Sunnfjord og Sogn 
• Politiattest vil verta kravd ved tiltreding, jf. lov om barnevern § 6-10 og forskrift om politiattest § 6. Denne attesten skal ikkje leggjast ved søknaden. 
• Me gjer merksam på at opplysningar om søkjaren kan verta gjort offentlege sjølv om søkjaren har oppmoda om ikkje å verta ført på søkjarlista, jf. lov om rett til innsyn i dokumenter i offentleg verksemd (offentleglova) § 25.

Stig Arne Thune, tlf 950 25 812                                           

Søknad med CV sendast elektronisk via link på denne sida.

Vitnemål og attestar med stadfesta stillingsstorleik og varigheit skal takast med ved eit eventuelt intervju.