Assisterande seksjonsleiar Regional sikkerheitsavdeling
Helse Bergen
- Frist 27.10.2020
- Ansettelsesform Fast
Assistarande seksjonsleiar Regional sikkerheitsavdeling
Klinikk for Sikkerheitspsykiatri består av fire seksjonar; Regional sikkerheitsavdeling, Lokal sikkerheitsavdeling, Seksjon for fengselshelseteneste, og eit regionalt kompetansesenter for sikkerheits-, fengsels- og rettspsykiatri. Ansvaret vårt er å behandle pasientar lokalt frå Helse Bergen HF og frå Helseregion vest. Pasientar som blir innlagd ved sengepostane er underlagd tvungen psykisk helsevern etter § 3.3/ 3,2 i lov om psykisk helsevern eller dom til behandling etter §5.2 i lov om psykisk helsevern.
Eit viktig samfunnsoppdrag
Vårt samfunnsoppdrag er å gje behandling til alvorleg sinnslidande pasientar, som i tillegg treng høgt tryggleiksnivå for å verne samfunnet. Å finne ei optimal balanse mellom tryggleik og behandling for pasient, personalet og samfunnet for øvrig, er ei av våre viktigaste oppgåver. Målet vårt er å gje alle pasientane anledning til auka meistring i ulike fasar av sin sjukdom, samstundes som vi tar omsyn til samfunnets trong til tryggleik.
Sentrale oppgåver er å vurdere og handtere valdsrisiko og samstundes gi omsorg og behandling. Dette gjer vi gjennom fysisk utforming av sengepost, høg kompetanse og klare rutinar. Kvar pasient har ei tverrfagleg primærgruppe kor miljøpersonell, psykiater/ psykolog, ergoterapeut, aktivitør og sosionom arbeidar saman om å balansere mellom utvikling for pasienten og tryggleik for alle.
Ei anna sentral oppgåve kan vere judisielle døgnobservasjonar etter straffeprosesslova §167, etter oppdrag frå domstol og sakkyndige. Som sjukepleiar/ vernepleiar vil du då inngå i eit rettspsykiatrisk team. Personen som er innlagd til observasjon er ikkje ein pasient, men ein observand. Din oppgåve her vil vere knytta til observasjon og skrive gode miljørapportar som rettspsykiatrisk sakkyndig skal bruke til å bedømme om vedkomande er tilregneleg eller ikkje i juridisk forstand.
Våre pasientar kan vere innlagde over lang tid, mens andre har kortare opphald. Pasienten sine ressursar og sårbare sider er det uansett god anledning til å bli kjend med.
Vil du bidra til å skape meining i tilværet for menneske med vanskelege tankar, åtferd og følelsar og som har utfordringar med mellommenneskelege relasjonar?
Regional sikkerheitsavdeling har no ledig stilling som assisterande seksjonsleiar. Du vil då bli ein av to assisterande seksjonsleiarar i tillegg til seksjonsleiar.
Arbeidsoppgåver
- Saman med leiargruppa vidareutvikle og drifte seksjonen med ansvar for personalleiing, kvalitet, fagutvikling og økonomi
- Vedkomande inngår i seksjonens leiarteam og samarbeider tett med miljøpersonale og behandlarar. Seksjonsleiar er næraste overordna
- Leie og motivere medarbeidarane
- Kompetanseutvikling i seksjonen, utvikling av haldningar, kunnskapar og ferdigheiter i personalgruppa
- Definere kompetansebehov og planleggje kompetanseheving på kort og lang sikt saman med seksjonsleiar
- Opplæring og rettleiing
- Klinisk arbeid i samband med vekedagar
- Dag til dag styring
- Følgje opp seksjonens HMS arbeid
Kvalifikasjonar
- Norsk autorisasjon som sjukepleiar eller vernepleiar
- Må ha vidareutdanning innan psykisk helse/rus/Seprep
- Minimum 5 års erfaring frå psykiatri
- Det er ein føresetnad med kompetanse innen dag til dag styring/ bruk av Gat/ turnusplanlegging og kalenderplan
- Det er ønskjeleg med leiarerfaring
Personlege eigenskapar
- Du er fleksibel og påliteleg
- Du har gode samarbeidsevner, er arbeidsvillig og initiativrik
- Evne til å både kunne vere "drivande" og audmjuk
- Du gir og mottar tilbakemeldingar på ein konfliktdempande måte
- Du er tilpassingsdyktig og taklar stressande situasjonar med ro og fagleg haldning
- Du trivast i eit aktivt og tidvis travelt miljø
- Du er ein god teamarbeidar og likar å jobbe tverrfagleg
- Du bidrar til eit godt arbeidsmiljø
- Du er god til å sjå kva som må gjerast, og tilbyr og mottar gjerne hjelp
Vi tilbyr
- Eit inkluderande og godt fagleg arbeidsmiljø
- Grundig opplæring
- Leiarutvikling i Helse Bergen sitt interne opplæringsprogram
- Du får kurs i møte med aggresjonsproblematikk (MAP)
- Du får kompetanseutvikling i form av fagdagar og kurs
- Dette er ei stilling som gir både fagleg og personleg utvikling
- Vi har eit godt og inkluderande arbeidsmiljø med kompetente medarbeidarar
- Lønn etter avtale
- 15000 kroner pr år i særtillegg
- Treningsrom for tilsette
- Medlemsskap i pensjonsordning, 2% pensjonstrekk, yrkesskadeforsikring, gruppelivsforsikring og tenestereiseforsikring
- Ein arbeidsplass som er ei inkluderande arbeidsliv-bedrift (IA-bedrift)
Om arbeidsgiveren
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.
- Sektor: Offentlig
- Lederkategori: Leder
- Sted: Sandviksleitet 1, 5036 Bergen
- Bransje: Helse og omsorg
- Stillingsfunksjon: Ledelse, Psykiatri, Sykepleier, Vernepleier/miljøterapeut
Nøkkelord
Assisterande, seksjonsleiar, Regional, sikkerheitsavdeling
- FINN-kode 193166102
- Sist endret